අතුරුදන් වූ කාන්තාවගේ මළ සිරුර අලුත්ගම වැවේ

දින තුනකට ඉහතදී අතුරුදහන් වූ කාන්තාවකගේ මළ සිරුරක් බණ්ඩාරගම මැදගම අළුත්ගම වැවේ පාවෙමින් තිබියදී හමුවී තිබෙනවා.

මෙලෙස මියගොස් ඇත්තේ බණ්ඩාරගම වැල්මිල්ල හංදිය ප්‍රදේශයේ පදිංචිව සිටි 60 හැවිරිදි එක්දරු මවක්.

ඇය කිසියම් රෝගාබාධයකින් පෙළෙන අතර දින තුනකට පමණ ඉහත දී නිවසින් අතුරුදන් වූ බවටයි ඊයේ රාත්‍රී පොලිසියට පැමිණිල්ලක් ලැබී ඇත්තේ.

පසුව ප්‍රදේශවාසියකු පොලිසියට ලබා දුන් තොරතුරක් අනුව එම කාන්තාවගේ මළ සිරුර වැවේ පාවෙමින් තිබියදී සොයාගෙන තිබෙනවා.

මෘත ශරීරය පානදුර මූලික රෝහලේ තැන්පත් කර ඇති අතර පශ්චාත් මරණ පරීක්ෂණය පැවැත්වීමට නියමිතයි.