දින කිහිපයක් අතුරුදන්ව සිටි කාන්තාවකගේ මළ සිරුරක් ඇයගේම නිවසේ ඇඳක් යට පෙට්ටියක් තුළ තිබිය දී සොයාගත් පුවතක් ඉන්දීය මාධ්‍ය වාර්තා කරනවා.
පොලිතින් උරවල ඔතා පෙට්ටියක් තුළ දමා තිබිය දී ඊසානදිග දිල්ලි හි නන්ද් නාග්‍රි ප්‍රදේශයේ නිවසක් තුළින් ඊයේ (15) මෙම මළ සිරුර සොයාගෙන තිබෙනවා.
පසුගිය 10 වනදා සිට අදාළ 60 හැවිරිදි කාන්තාව අතුරුදන්ව ඇති අතර, ඊට දින තුනකට පසුඅ එනම් 13 වනදා අයගේ පුත්‍රයා විසින් තම මවගේ මෙම අතුරුදන්වීම සම්බන්ධයෙන් පොලීසියට පැමිණිල්ලක් සිදුකර ඇති බවයි වාර්තා වුණේ.
කෙසේ වෙතත් අදාළ කාන්තාවගේ පවුලේ සාමාජිකයින් ඊයේ පොලිසියට ඇමතුමක් ලබා දී පවසා ඇත්තේ සිය නිවසේ මහලේ කාමරයකින් දුර්ගන්ධයක් වහනය වන බවයි.
පසුව පොලිසිය පැමිණ මේ සම්බන්ධයෙන් පරීකෂා කිරීමේ ද අදාළ කාන්තාවගේ මළ සිරුර ඇදක් යට තිබූ පෙට්ටියක් තුළින් සොයාගෙන තිබෙනවා.
අපරාධ හා අධිකරණ වෛද්‍ය කණ්ඩායම පරීක්‍ෂණය සඳහා එම ස්ථානයට ගොස් සිරුර පශ්චාත් මරණ පරීක්‍ෂණය සඳහා මෘත ශරීරාගාරයට රැගෙන ගොස් ඇති බවයි ඉන්දීය මාධ්‍ය වැඩිදුරටත් තොරතුරු වාර්තා කළේ.
නිවසින් පිටත සිට නිවස තුළට පැමිණි පුද්ගලින් සම්බ්බන්ධයෙන් පරීක්ෂා කිරීම සඳහා අවට ඇති ආරක්‍ෂිත කැමරා දර්ශන පරීක්ෂා කිරීම පොලිසිය මේ වනවිටත් ආරම්භකර ඇති බවයි වාර්තා වන්නේ.
