අතිදුර්ලභ රක්ෂිත ‘ශාක පත්‍ර’ ජාවාරමක් සිදු කළ පුද්ගලයන් දෙදෙනෙකු අත්අඩංගුවට ගෙන තිබෙනවා.
දසත ප්‍රාදේශීය වාර්තාකරු පැවසුවේ මෙම ශාක පත්‍රවල වටිනාකම රුපියල් 350,000 ඉක්මවන බවයි.
මෙම ශාකපත්‍ර පටවා ගත් ලොරි රථයක් නුවරඑළිය දිසා වන නිලධාරීන් සිදු කළ පරීක්ෂාවකදියි අත්අඩංගුවට ගැනුණේ.
නුවරඑළිය – කඳපොළ, සීතාඑළිය රක්ෂිත වනාන්තරයෙන් අනවසරෙන් කපා ප්‍රවාහනයට සූදානම් කර තිබූ ශ්‍රී ලංකාවට පමණක් ආවේණික වූ දුර්ලභ ශාක විශේෂයක් වන SYZYGIUM ROTUNDIFOLIUM යන විද්‍යාත්මක නාමයෙන් හඳුන්වනු ලබන වටපත් දඹ ශාකයේ අතු කැබලි 6500ක් අසුරන ලද පෙට්ටි 25 පැටවූ ලොරියක් මෙලෙස වන නිලධාරී භාරයට ගෙන තිබෙනවා.
මෙම වැටලීම පසුගියදා (04) රාත්‍රියේ දී සිදු කෙරුණේ පිළිමාන ප්‍රදේශයේ දීයි.
අත්අඩංගුවට ගත් සැකකරුවන් නුවරඑළිය මහේස්ත්‍රාත් අධිකරණය වෙත ඉදිරිපත් කි‍රීමෙන් අනතුරුව ඔවුන් ව එළඹෙන 13 තෙක් රිමාන්ඩ් භාරයට පත් කිරීමටයි නියෝග කෙරුණේ.
