මෙරට තුළ අපරාධ සිදුකර විදෙස් ගතව සැඟව සිටි සංවිධානාත්මක අපරාධකරුවන් කිහිප දෙනෙක් මෙරටට රැගෙන ඒමට කටයුතු සූදානම් කරමින් සිටින බව පොලිස් මාධ්‍ය ප්‍රකාශක කේ.බී.මනතුංග පවසනවා.
මෙම සංවිධානාත්මක අපරධකරුවන් ඉන්දියාවේ සිට මෙරටට රැගෙන ඒමට නියමිත බවයි ඔහු සඳහන් කළේ.
මේ අතර 2025 වසරේ මේ දක්වා කාලය තුළ වෙඩි තැබීමේ සිද්ධීන් 13ක් වාර්තා වී ඇති බවත්; ඉන් සංවිධානාත්මක වෙඩි තබාගැනීමේ සිදුවීම් 07ක් වාර්තා වී ඇති බවත් පොලිස් මාධ්‍ය ප්‍රකාශකවරයා පවසනවා.
අද (15) පස්වරුවේ කැඳවා තිබූ මාධ්‍ය හමුවකදීයි ඔහු මේ බව සඳහන් කළා.
එම සංවිධානාත්මක වෙඩි තබාගැනීමේ සිද්ධීන් හතෙන් පුද්ගලයින් 09 දෙනෙකු මියගොස් තවත් දෙදෙනෙකු තුවාල ලබා ඇති බවයි ඔහු වැඩිදුරටත් සඳහන් කළේ.
මෙම වෙඩි තබ ගැනීමේ සිද්ධීන් සඳහා සම්බන්ධ වූ පුද්ගලයින් 30 දෙනෙකු අත්අඩංගුවට ගෙන ඇති බවයි පොලිසිය පැවසුවේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
