Rajapura Handi Oil
Rajapura Diabetic Powder

ආසියානු සංවර්ධන බැංකුවේ සභාපතිවරයා දිවයිනට

ආසියානු සංවර්ධන බැංකුවේ සභාපති මසාටෝ කන්ඩා නිල සංචාරයක් සඳහා දිවයිනට පැමිණ තිබෙනවා.

ඔහු ඊයේ (22) රාත්‍රී 11.40ට සිංගප්පූරුවේ සිට පැමිණි සිංගප්පූරු ගුවන් සේවයට අයත් SQ 468 ගුවන් යානයෙන් කටුනායකට පැමිණි බවයි දසත නිවුස් ගුවන්තොටුපොළ වාර්තාකරු සඳහන් කළේ.

දිවයිනට පැමිණි ආසියානු සංවර්ධන බැංකුවේ සභාපතිවරයා අද (23) දිනයේ කොළඹ වරාය පාලක මැදිරිය නිරීක්ෂණය කිරීමට නියමිතයි.

එමෙන්ම ඔහු අද (23) පස්වරුවේ ආසියානු සංවර්ධන බැංකුවේ ශ්‍රී ලංකා නේවාසික මෙහෙයුම් කාර්යාලයේ පිළිගැනීමේ උත්සවයකට සහ කාර්ය මණ්ඩල හමුවකට ද එක්වීමට නියමිතව තිබෙනවා.

ආසියානු සංවර්ධන බැංකුවේ සභාපති මසාටෝ කන්ඩා හෙට දිනයේ, දිට්වා සුළි කුණාටුවෙන් සිදු වූ හානි නිරීක්ෂණය කිරීම සඳහා කෑගල්ල දිස්ත්‍රික්කයේ සංචාරය කිරීමට සැලසුම් කර ඇති බවයි වර්තන් වුණේ.

එමෙන්ම හෙට (24) පස්වරුවේ සභාපතිවරයා ජනාධිපති අනුර කුමාර දිසානායක හමු වී සාකච්ඡා පැවැත්වීමට නියමිතයි.