ඉන්දීය අග්‍රාමාත්‍ය නරේන්ද්‍ර මෝදි මාර්තු 1 සිට 8 දක්වා ඉන්දියාවට ඉහළ මට්ටමේ බෙල්ජියම් ආර්ථික මෙහෙවරකට නායකත්වය දෙන බෙල්ජියමේ ඇස්ට්‍රිඩ් කුමරිය හමුවුණා.
අග්‍රාමාත්‍යවරයා ඇස්ට්‍රිඩ් කුමරිය ඉන්දියාවට පිළිගත් අතර ප්‍රමුඛ පෙළේ ව්‍යාපාරික නායකයින්, රාජ්‍ය නිලධාරීන් සහ විවිධ අංශවල නියෝජිතයින් ඇතුළු සාමාජිකයින් 300කට අධික සංඛ්‍යාවකින් යුත් විශාල දූත පිරිසකගේ මුලපිරීම විශේෂයෙන් අගය කළ බව ඉන්දීය අග්‍රාමාත්‍ය කාර්යාලය නිවේදනය කළා.
ඇස්ට්‍රිඩ් කුමරිය ඉන්දියාවට ආර්ථික දූත මෙහෙවරක් දියත් කරන දෙවන අවස්ථාව මෙය වන අතර, එය රටවල් දෙක අතර ශක්තිමත් ආර්ථික සබඳතාවල වැදගත්කම අවධාරණය කරනවා.
අගමැති සහ රජ කුමරිය අතර සාකච්ඡා වෙළඳාම, ආයෝජන, තාක්ෂණය, ආරක්ෂක, නවෝත්පාදන, පිරිසිදු බලශක්ති, යටිතල පහසුකම්, කෘෂිකර්මාන්තය, නිපුණතා, ශාස්ත්‍රීය හුවමාරු සහ සංස්කෘතික සහ මිනිසුන් අතර සබඳතා ඇතුළු පුළුල් පරාසයක පැතිර ගොස් තිබෙනවා.
දෙරටේ ජනතාවට ප්‍රතිලාභ සැලසෙන පරිදි ආර්ථික ඔරොත්තු දීමේ හැකියාව ශක්තිමත් කිරීම, නවෝත්පාදනයන් පදනම් කරගත් වර්ධනයක් සහ ද්විපාර්ශ්වික සහයෝගීතාව ගැඹුරු කිරීම වැනි නැගී එන සහ ඉහළ බලපෑමක් ඇති අංශ හරහා සහයෝගීතාව සඳහා නව මංපෙත් සොයා ගැනීමට සමීපව කටයුතු කිරීමට දෙපාර්ශ්වයම එකඟ වූ බව අග්‍රමාත්‍ය මෝදිගේ කාර්යාලය නිකුත් කළ නිවේදනයේ සඳහන්.
