පසුගිය 13 වනදා තලංගම පොලිස් වසමේ අකුරේගොඩ ප්රදේශයේදී කාර් රථයක් තුළ සිටි නීතිඥවරයෙකුට හා ඔහුගේ බිරිඳට නාඳුනන තුවක්කුකරුවන් දෙදෙනෙකු විසින් වෙඩිතබා ඝාතනය කළ සිද්ධියට අත්අඩංගුවට ගැනුණු වෙඩික්කරු පිළිබඳව පොලිසිය තොරතුරු අනාවරණය කරනවා.
අත්අඩංගුවට ගැනුණු වෙඩික්කරු අවුරුදු 46ක බද්දේගම ප්රදේශයේ පදිංචිකරුවෙක් බවයි වාර්තා වන්නේ.
මොහු හිටපු යුද හමුදා සෙබලෙකු බවත්, 2009 වර්ෂයේ ලබාදුන් පොදු සමා කාලය තුළ නීත්යානුකූලව යුද හමුදාවෙන් ඉවත් වූ අයෙකු බවයි විමර්ශනයේ දී අනාවරණය වී ඇත්තේ.
මේ අතර අත්අඩංගුවට ගැනුණු වෙඩික්කරු අපරාධය සඳහා භාවිත කළ ජංගම දුරකතනයක් ද පොලිස් භාරයට ගෙන තිබෙනවා.
පොලිසිය පවසන්නේ ඊයේ (21) පස්වරුවේ අම්බලන්ගොඩ පොලිස් වසමේ දෙල්දුව ප්රදේශයේ දී බස්නාහිර පළාත් දකුණ දිසා අපරාධ කොට්ඨාසය සමඟ සමගාමීව විමර්ශන කටයුතු සිදු කරන හෝමාගම කොට්ඨාස අපරාධ විමර්ශන ඒකකයේ නිලධාරීන් කණ්ඩායමක් විසින් මෙම වෙඩික්කරු අත්අඩංගුවට ගත් බවයි.
අත්අඩංගුවට ගැනුණු මෙම සැකකරු අද (22) දින කඩුවෙල මහේස්ත්රාත් අධිකරණයට ඉදිරිපත් කිරීමට නියමිතව තිබෙනවා.
මෙම අපරාධයට සම්බන්ධ අනෙක් වෙඩික්කරු අත්අඩංගුවට ගැනීමට බස්නාහිර පළාත් දකුණ දිසා අපරාධ කොට්ඨාසය වැඩිදුර විමර්ශන සිදු කරනු ලබනවා.
මේ අතර මෙම අපරාධයේ වෙඩික්කරුවන් දෙදෙනා ප්රවාහනය කළ බව කියන මෝටර් රථයක් ඊයේ (21) ඇල්පිටිය, කහදූව ප්රදේශයේ දී පොලිසිය විසින් සොයා ගැනුණා.
