මෙරට හීලෑ අලි ඇතුන් අතර බරවා රෝගය පැතිර යාමේ අවධානමක් මතුව ඇති බව පේරාදෙණිය විශ්වවිද්යාලයේ පශු වෛද්ය පීඨයේ ජ්යෙෂ්ඨ මහාචාර්ය අශෝක දංගොල්ල පවසනවා.
මේ හේතුවෙන් දළඳා පෙරහැරට සම්බන්ධ වී සිටින අලි ඇතුන් ඒ සම්බන්ධයෙන් විශේෂ පරීක්ෂණයට ලක්කරන බව ද ඔහු පැවසුවා.
මෙවර මහනුවර ඇසළ පෙරහැර මංගල්යයට සහභාගි වී සිටින අලි ඇතුන්ගේ සෞඛ්ය තත්ත්වය පරීක්ෂා කිරීම වෙනුවෙන් අද (27) පැවති විශේෂ පශු වෛද්ය සායනයෙන් අනතුරුව මාධ්ය හමුවේ අදහස් දක්වමින් මහාචාර්යවරයා මේ බව සඳහන් කළා.
මීට අමතරව ක්ෂය රෝග පරීක්ෂාවකට ද හීලෑ අලි ඇතුන් ලක් කරන බවත්, දැනට සිටින හීලෑ අලි ඇතුන් අතරින් 50 % කට පමණ ඇස් රෝග තිබෙන බවත් ඔහු පැවසුවා.
මේ අතර දැනට සිටින සිටින හීලෑ අලි ඇතුන් බහුතරයක් වයස් ගත නිසා ඔවුන් ඉතා ඉක්මනින් රෝගවලට ගොදුරු වීමේ අවධානමක් ඇතැයි ද ඔහු මෙහිදී සඳහන් කර සිටියා.
සෑම දිනකම පෙරහැර මංගල්යය ආරම්භ කිරීමට පෙර අලි ඇතුන්ගේ ශරීර සෞඛ්ය පරීක්ෂාවට ලක් කරන බවත්, එහි දී කිසියම් හෝ අසනීප තත්ත්වයක් දක්නට ලැබුණහොත් එම සතුන් පෙරහැරින් ඉවත් කිරීමට කටයුඉතු කරනවා.
දේවාල පරිශ්රයකට ගොස් බැලුවහොත් එලෙස ඉවත් කළ අලි ඇතුන් දැකගැනීමට හැකි බව ද ජ්යෙෂ්ඨ මහාචාර්ය අශෝක දංගොල්ල පැවසුවා.
