ශ්‍රී ලංකාව හොංකොං සික්සස් අවසන් මහා සටනට

2024 හොංකොං සික්සස් තරගාවලියේ අවසන් මහා තරගය සඳහා සුදුකම් ලබන්නට ශ්‍රී ලංකා කණ්ඩායම මීට සුළු මොහොතකට පෙර සමත් වුණා.

ඒ, දෙවන අවසන් පූර්ව තරගයේ දී ශ්‍රී ලංකා පිළේ ප්‍රතිවාදීන් වූ බංග්ලාදේශ කණ්ඩායම කඩුලු 03කින් පරාජය කරමින්.

මෙම තරගයේ පළමුව පන්දුවට පහර දුන් බංග්ලාදේශ නියමත පන්දුවාර 06 තුළ කඩුලු 05ක් දැවී ලකුණු 103ක් රැස් කළා.

පන්දු යැවීමේ දී තරිඳු රත්නායක බංග්ලාදේශ ඉනිමේ කඩුලු 04ක් බිඳ දැමුවා.

අනතුරුව පිළිතුරු ඉනිම ක්‍රීඩා කළ ශ්‍රී ලංකාව පන්දුවාර 05යි පන්දු 05කදී ලකුණු 104ක ඉලක්කය පසුකර යමින් තරගය ජයගත්තා.

ඒ, අනුව තරගාවලියේ අවසන් මහා තරගයේ දී ශ්‍රී ලංකාවේ ප්‍රතිවාදීන් ලෙස පාකිස්ථාන කණ්ඩායම මුණගැසෙනවා.