ගිනිකොනදිග බ්රසීලයේ මිනාස් ජෙරායිස් ප්රාන්තයේ අධිවේගී මාර්ගයක බස් රථයක් සහ ට්රක් රථයක් ගැටී සිදු වූ දරුණු අනතුරකින් පුද්ගලයින් 38 දෙනෙකු මියගොස් ඇති බව වාර්තා වනවා.
තවත් 13 දෙනෙකු රෝහල් ගතකර ඇති බවයි විදෙස් මාධ්ය වාර්තා කළේ.
මගීන් 45 දෙනෙකු රැගෙන; සාඕ පවුලෝ නගරයෙන් පිටත් වූ බස් රථයේ ටයරයක් පුපුරායාම නිසා රියදුරුට රථය පාලනය කරගත නොහැකිව ට්රක් රථය ගැටී මෙම අනතුර සිදුව තිබෙනවා.
එහිදී තවත් මෝටර් රථයක් බස් රථයේ ගැටී ඇති අතර, මෝටර් රථයේ සිටි තිදෙනාම දිවි ගලවා ගැනීමට සමත්ව ඇති බවයි වාර්තා වුණේ.
ඊයේ සිදු වූ මෙම අනතුරත් සමඟ බස් රථය ගිනිගෙන විනාශ වී ඇති බවයි විදෙස් වාර්තා වැඩිදුරටත් සඳහන් කළේ.
බ්රසීල ප්රවාහන අමාත්යාංශයට අනුව, 2024 වසරේ දී බ්රසීලයේ රථවාහන අනතුරු වලින් 10,000කට වැඩි පිරිසක් මිය ගොස් තිබෙනවා.
ඔබේ ප්රතිචාරය කුමක්ද ?
+1
+1
+1
+1
+1
3
+1
+1
