මේ වන විට 40 හැවිරිදි වියේ පසුවන එංගලන්ත වේග පන්දු යවන ක්රීඩක ජේම්ස් ඇන්ඩර්සන් වසර 87ක් පැරණි වාර්තාවන් අලුත් කිරීමට සමත්ව තිබෙනවා.
ඒ, ටෙස්ට් පන්දු යවන්නන්ගේ නවතම ශ්රේණිගත කිරීම් හි පළමු ස්ථානයට පත්වෙමින්.
ඇන්ඩර්සන්ගේ එම දක්ෂතාවය වාර්තා අතරට එක්වන්නේ වයස අවුරුදු 40 ඉක්ම වූ ක්රීඩකයකු ටෙස්ට් පන්දු යවන්නන්ගේ ශ්රේණිගත කිරීම්වල අංක එක ස්ථානයට පත් වූ දෙවන් අවස්ථාව ලෙසටයි.
යස අවුරුදු 40 ඉක්මවූ ක්රීඩකයකු ටෙස්ට් පන්දු යවන්නන්ගේ ශ්රේණිගත කිරීම්වල පළමු ස්ථානයට පැමිණ ඇත්තේ මීට වසර 87කට පෙරයි.
ඒ, අනුව මීට පෙර ටෙස්ට් පන්දු යවන්නන් අතර පළමු ස්ථානයට පැමිණි වයස්ගතම ක්රීඩකයා වූ ක්ලැරී ග්රිමට් වන අතර, ඔහු 1936 වසරේ දී එම දක්ෂතාවය දැක්වීමට සමත් වුණා.
ඒ, වන විට ක්ලැරී ග්රිමට්ගේ වයස දැක්වුණේ අවුරුදු 44ක් ලෙසයි.
මේ අතර ජේම්ස් ඇන්ඩර්සන් ලොව අංක එකේ ටෙස්ට් පන්දු යවන්නා බවට පත්වූ හය වන අවස්ථාව ද මෙය වීම විශේෂත්වයක්.
ටෙස්ට් තරග 178කදී මේ වන විට කඩුලු 682ක් දවාගෙන ඇති ඇන්ඩර්සන්ගේ වයස මේ වනවිට අවුරුදු 40යි දින 207ක්.
ජාත්යන්තර ටෙස්ට් තරග බිමේ වැඩිම කඩුලු සංඛ්යාවක් දවාගෙන සිටින වේග පන්දු යවන්නා වන්නේ ද ජේම්ස් ඇන්ඩර්සන්.
