78 වන ජාතික නිදහස් දිනය වෙනුවෙන් බ්රිතාන්යයේ චාල්ස් රජු විසින් මෙරට ජනාධිපති අනුර කුමාර දිසානායක වෙත සහ මෙරට පුරවැසියන් වෙත සුබ පැතුම් පණිවිඩයක් යොමු කර තිබෙනවා.
ගැඹුරු ඓතිහාසික සබඳතාවලින් හැඩගැසුණු එක්සත් රාජධානිය සහ ශ්රී ලංකාව අතර පවතින කල් පවත්නා හවුල්කාරිත්වය පිළිබඳව ද චාල්ස් රජු විසින් මෙම පව්නිවුදයෙන් සඳහන් කර තිබෙනවා.
එක්සත් රාජධානියේ සැලකිය යුතු ශ්රී ලාංකික ප්රජාව ඇතුළුව අපගේ ජනතාව අතර ඇති විචිත්රවත් සංස්කෘතික සබඳතා මගින් මෙම හවුල්කාරිත්වය ශක්තිමත් වන බවත් චාල්ස් රජු නිකුත් කළ නිවේදනයේ සඳහන්.
එමෙන්ම ශ්රී ලංකාවේ නිදහස් දිනය වෙනුවෙන් අමෙරිකා එක්සත් ජනපද රාජ්ය ලේකම් මාර්කෝ රුබියෝ විසින් ද සුබ පැතුම් පණිවුඩයක් නිකුත් කර තිබෙනවා.
78 වැනි ජාතික නිදහස් දිනය නිමිත්තෙන් ශ්රී ලාංකික ජනතාවට සුබ පැතුම් එක් කර ඇති මාර්කෝ රුබියෝ වැඩිදුරටත් සඳහන් කර ඇත්තේ අමෙරිකා සහ ශ්රී ලංකාව අතර සහයෝගීතාවය ඉදිරියේදීත් අඛණ්ඩව පවතිනු ඇති බවයි.
තවද මෙරට 78 වන නිදහස් දිනයට සුබ පැතුම් එක්කරමින් චීන ජනාධිපති ෂී ජින් පිං විසින් මෙරට ජනධිපති අනුර කුමාර දිසානායක වෙත සහ අගමැති හරිනි අමරසූරිය වෙත සුබ පැතුම්පණිවුඩයන් නිකුත් කර තිබෙනවා.
ශ්රී ලංකාව සහ චීනය අන්යෝන්ය වශයෙන් සුහදශීලි මෙන්ම දෙපාර්ශවයටම ලාභදායි සහයෝගීතාවයක් අනුගමනය කරන හවුල්කරුවන් බව චීන ජනාධිපතිවරයා විසින් මෙරට ජනාධිපති අනුර කුමාර දිසානාය වෙත යොමු කර තිබෙන සුබ පැතුම් පණිවිඩයේ සදහන්.
බහරේන් රාජ්යයේ මහරජු හමාද් බින් ඉසා අල් කලීෆා විසින් ශ්රී ලංකාවේ 78 වන නිදහස වෙනුවෙන් සිය සුබ පැතුම් එක්කර තිබෙනවා.
