පාර්ලිමේන්තු මන්ත්රීවරයෙකුට අයත් වාහනයක් ඔහුගේ සහෝදරයා විසින් ධාවනය කිරීමේ දී සිදු වූ රිය අනතුරකින් පුද්ගලයෙකු ජීවිතක්ෂයට පත් ව තිබෙනවා.
අද (14) පෙරවරුවේ මෙම මාරක අනතුර සිදු ව ඇත්තේ වෙන්නපුව, නාත්තණ්ඩිය – දංකොටුව මාර්ගයේ හාල්දඩුවන ප්රදේශයේ දීයි.
අදාළ වාහනය පැදවූ මන්ත්රීවරයාගේ සහෝදරයාව කොස්වත්ත පොලිසිය විසින් අත්අඩංගුවට ගනු ලැබුවා.
මෙම වාහනය පුත්තලම දිස්ත්රික් ජාතික ජන බලවේගයේ පාර්ලිමේන්තු මන්ත්රී මොහොමඩ් ෆයිසාල් මහතාගේ රථය බවටයි තහවුරු වී ඇත්තේ.
එම වාහනය තුළ මන්ත්රීවරයා සිට ඇති අතර හෙතෙම අද පෙරවරුවේ පැවැත්වෙන විශේෂ පාර්ලිමේන්තු සභා වාරයට එක් වීමට පැමිණෙමින් සිටියදී මෙම අනතුර සිදු ව ඇති බවට වාර්තා වනවා.
මෝටර් රථයේ යතුරුපැදියක් මුහුණට මුහුණ ගැටීමෙන් මෙම අනතුර සිදු ව ඇති අතර අනතුරින් මියගොස් ඇත්තේ වෙන්නප්පුව – පතහවත්ත ප්රදේශයේ පදිංචිකරුවෙකු වන රතුගමගේ ප්රැන්සිස් ගාමිණී නමැති 65 හැවිරිදි අයෙක්.
මන්ත්රීවරයාගේ රථයේ රියදුරු ලෙස කටයුතු කළ සිය සහෝදරයාට නින්ද යාම අනතුරට හේතුව
බව පොලිසිය පවසනවා.
අනතුරින් පසුව මන්ත්රීවරයා ව වෙනත් රථයක නංවා පාර්ලිමේන්තුව වෙත පිටත් කර හැර ඇති බවයි පැවසෙන්නේ.
