මාධ්‍ය සාකච්ඡාවකට කරදර කරපු අයව අල්ලයි (වීඩියෝ)

වෘත්තීය සමිති විසින් පැවැත්වූ මාධ්‍ය සාකච්ඡාවකට බාධා කළ බාහිර පුද්ගලයින් සිව් දෙනෙකු පොලීසිය විසින් අත්අඩංගුවට ගෙන තිබෙනවා.

කොළඹ, මහජන පුස්තකාල ශ්‍රවණාගාරයේ පැවති මෙම මාධ්‍ය හමුව ශ්‍රී ලංකා පරිපාලන සේවා සංගමය විසිනුයි සංවිධානය කර තිබුණේ.

අදාළ මාධ්‍ය සාකච්ඡාව අතරතුර බාහිරින් පැමිණි පිරිසක් එම මාධ්‍ය සාකච්ඡාවට බාධා කළ අතර ඉන් අනතුරුව එම ස්ථානයට පොලීසිය පැමිණියා.

එම අවස්ථාවේදී මාධ්‍ය හමුවට බාධා කළ පිරිස අදාළ ස්ථානයෙන් දිවගිය අතර ඔවුන්ව හඹා ගොස් අත්අඩංගුවට ගැනීමටයි කුරුඳුවත්ත පොලීසියේ නිලධාරීන් සමත් වුණේ.