බෝම්බ බියක් හේතුවෙන් ප්‍රංශ භූමියේ පිහිටා ඇති ප්‍රංශ-ස්විස් ජාත්‍යන්තර බාසල්-මල්හවුස් ගුවන් තොටුපළ අද පෙරවරුවේ වසාදමා තිබෙනවා.
කෙසේ වෙතත් දැඩි ආරක්ෂක පරීක්ෂාවකින් පසු පස්වරුවේ එහි ගුවන් ගමනාගමනය යළි ආරම්භ කර ඇති බවයි විදෙස් මාධ්‍ය වාර්තා කළේ.
2024 ඔලිම්පික් සමාරම්භක උත්සවයට පෙර ප්‍රංශයේ අධිවේගී දුම්රිය මාර්ග කිහිපයක ගිනි තැබීම් මාලාවක් වාර්තා වී පැය කිහිපයකට පසු මෙම බෝම්බ තර්ජනය එල්ලවීම ද විශේෂත්වයක්.
පසුගිය වසරේ දී බාසල්-මල්හවුස් ගුවන් තොටුපොළෙන් ගුවන් මගීන් මිලියන අටකට ගුවන් ගමන් පහසුකම් සලසා දී තිබෙනවා.
මේ අතර ඔලිම්පික් ක්‍රීඩා උළෙල කඩාකප්පල් කිරීමේ අරමුණ ඇතිව මෙම ක්‍රියාවන් ඇතැම් පාර්ශ්ව සහ පුද්ගලයින් විසින් සිදුකරන බවයි විදෙස් මාධ්‍ය වැඩිදුරටත් තොරතුරු වාර්තා කළේ.
ඔලිම්පික් ක්‍රීඩා උළෙලට ත්‍රස්ත ප්‍රහාරයක් එල්ලවන බවට මතුව ඇති තර්ජන හේතුවෙන් ඔලිම්පික් උළෙලේ ආරක්ෂාව තර කිරීමට ද කටයුතු කර ඇති බවයි වාර්තා වුණේ.
