spot_img
AFC Banner
Empty Ad
Empty Ad

විදුලිබල මණ්ඩල සේවකයන්ට රතු එළියක් (වීඩියෝ)

සේවාවලට බාධා කරන හෝ මණ්ඩලයේ කළමනාකාරීත්වය විසින් නිකුත් කර ඇති මාර්ගෝපදේශ කඩකරමින් ක්‍රියා කරන ඕනෑම සේවකයෙකුගේ වැඩ තහනම් කර සුදුසු විනය ක්‍රියාමාර්ග ගන්නා ලෙස ,ලංකා විදුලිබල මණ්ඩලයේ කළමනාකාරීත්වයට උපදෙස් ලබාදී ඇති බව අමාත්‍ය කංචන විජේසේකර පවසනවා.

ට්විටර් සටහනක් තබමින් අමාත්‍යවරයා සඳහන් කළේ විදුලිබල මණ්ඩලයේ යෝජිත ප්‍රතිසංස්කරණ, අනුමැතිය සඳහා සංශෝධන සහිතව පාර්ලිමේන්තුවට ඉදිරිපත් කිරීමට පියවර ගෙන ඇති බවයි.

විදුලි බිල අඩුකිරීමේ යෝජනාව ද ලබන සතියේ මහජන උපයෝගිතා කොමිසම වෙත ඉදිරිපත් කරනු ඇතැයි ඔහු නිකුත් කළ ට්විටර් සටහනේ වැඩිදුරටත් සඳහන්.

ප්‍රතිව්‍යුහගත කිරීමට එරෙහිව ලංකා විදුලිබල මණ්ඩලයේ සියලු සේවකයින් තෙදින විරෝධතා මාලාවක් අද ආරම්භ කළා.
ඒ සියළු සේවකයින්ගේ නිවාඩු නැවත දැනුම්දෙනතුරු අවලංගු කර තිබියදීයි.

ලංකා විදුලි බල මණ්ඩලය ප්‍රතිව්‍යුහගත කිරීමේ පනත් කෙටුම්පත පසුගියදා ගැසට් කෙරුණු අතර එහි දෝෂ රැසක් තිබීම හේතුවෙන් පනත් කෙටුම්පත පාර්ලිමේන්තුවට ඉදිරිපත් කෙරුණේ නැහැ.

ලංකා විදුලි බල මණ්ඩල සේවකයින් අද දහවල් 12 සිට දින 3ක විරෝධතාවක් සූදානම් කර තිබුණේ ඊට එරෙහිවයි.

කෙසේ වෙතත් සියළු සේවකයින්ගේ නිවාඩු ඊයේ සිට නැවත දැනුම් දෙන තුරු අවලංගු කරමින් ලංකා විදුලිබල මණ්ඩලයේ වැඩබලන සාමාන්‍යධිකාරී ඉංජිනේරු නරේන්ද්‍ර ද සිල්වා චක්‍රලේඛයක් නිකුත් කළා.

රටට අඛණ්ඩව විදුලිය සැපයීම සම්බන්ධව ලංකා විදුලි බල මණ්ඩලයට පැවරී ඇති ජාතික වගකීම සහ 2023 දෙසැම්බර් 18 වැනි දින නිකුත් කරන ලද අති විශේෂ ගැසට් පත්‍රය මගින් විදුලිය අත්‍යවශය සේවාවක් බවට පත්කර ඇති බව සැලකිල්ලට ගෙන එම තීරණය ගත් බව අදාල චක්‍රලේඛයේ සඳහන්.

කෙසේ වෙතත් අත්‍යවශය හදිසි අවස්ථාවලදී අදාළ ශාඛාවට හෝ අංශයට අනියුක්ත පළමුවන පන්තියේ හෝ ඊට ඉහළ විධායක නිලධාරියෙකුගේ අනුමැතිය මත පමණක් සේවකයින් හට නිවාඩු ලබා ගත හැකියි.

කෙසේ වෙතත් ලංකා විදුලි බල මණ්ඩල ඒකාබද්ධ වෘත්තිය සමිති සන්ධානය පැවසුවේ අසනීප නිවාඩු වාර්තා කර හෝ අද සිට තෙදිනක් විදුලිබල මණ්ඩල ප්‍රධාන කාර්යාලය ඉදිරිපිට විරෝධතාවයේ නිරත වන බවයි.

ඒ අනුව විදුලිබල මණ්ඩල ප්‍රධාන කාර්යාලය ඉදිරිපිට අද පස්වරුවේ විරෝධතාව ආරම්භ කෙරුණා.

ඒ සඳහා ලංකා විදුලිබල මණ්ඩලයේ දිවයින පුරා පිහිටි කාර්යාලවල සෑම ක්ෂේත්‍රයකටම අයත් සේවක සේවිකාවන් එක්ව සිටියා.

ඔබේ ප්‍රතිචාරය කුමක්ද ?
+1
5
+1
0
+1
4
+1
2
+1
1
+1
2
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
දසත Mid Day 11.25 ප්‍රධාන ප්‍රවෘත්ති ප්‍රකාශය - DASATHA NEWS 11.25 PM LIVE |2024-07-24| Dasatha News
33:40
Video thumbnail
බැංකු ණය ගන්න ඉන්න අයට අද ඉඳන් ලැබෙන ලොකු වාසිය මෙන්න...#bankloan #bankrate
07:39
Video thumbnail
ගෙදර යන්න ඉන්න රනිල්ගේ කෙරුවාවට දෝස්මුරයක්...
05:44
Video thumbnail
Club වසන්තගේ ඝාතනයට සම්බන්ද ලොකු පැටීගේ කෙරුවවේ සුළ මුළ හෙළිවේ...#clubwasantha
03:19
Video thumbnail
"දුෂ්කර පාසල්වලට උදව් කරන්න ඉලෝන් මස්ක්ට එන්න කිව්වා" #ranilwickremesinghe #ilonmask
02:21
Video thumbnail
පොලිස්පති ගැන තීරණයක් ගන්න ඇමති මණ්ඩලය හදිසියේ රැස්වෙයි - මෙන්න වෙන්න අලුත්ම දේ...
01:45
Video thumbnail
Dasatha “පිටුවෙන් පිටුව” – LIVE | 2024-07-24
01:06:11
Video thumbnail
මැතිවරණ කොමිසම හෙට රැස්වෙයි - කවුරුත් බලාසිටි මැතිවරණ දිනය නොබෝ දිනකින්... #election2024
03:19
Video thumbnail
රටේ නීතියේ හයිය නිසා පුටුවෙන් තල්ලු වූ පොලිස්පති දේශබන්දු
08:12
Video thumbnail
රාහු කාලය ගැන නම් No Comment...හිටපු මැ.කෝගෙන් සුපිරි පිළිතුරක් #MahindaDeshapriya
05:35

?