spot_imgspot_img
spot_img
SLIC Banner
Empty Ad
Empty Ad

බලය ලැබුණු විගස පාස්කු වින්දිතයන්ට යුක්තිය ඉටු කරනවා – විපක්ෂ නායකගෙන් පොරොන්දුවක්

වසර 4ක් ගත වී ඇතත් පාස්කු ප්‍රහාරයෙන් අගතියට පත් පාර්ශ්වයන්ට කිසිම විසඳුමක් ලැබී නොමැති බව විපක්ෂ නායක සජිත් ප්‍රේමදාස පවසනවා.

මේ මොහොත වන විටත් එම ප්‍රහාරය සම්බන්ධයෙන් නිශ්චිත තොරතුරක් අනාවරණය කර ගැනීමට නොහැකි වී ඇති බවයි පාස්කු ප්‍රහාරය සම්බන්ධයෙන් විශේෂ ප්‍රකාශයක් සිදු කරමින් ඔහු කියාසිටියේ.

පාස්කු ප්‍රහාරය පිටුපස රහස් න්‍යාය පත්‍රයක් ඇති අතර එය සඟවා තැබීමට කිසියම් පාර්ශ්වයක් කටයුතු කරන බව විපක්ෂ නායකවරයා සඳහන් කරනවා.

ඒ හේතුවෙන් පාස්කු ප්‍රහාරයෙන් අගතියට පත් පාර්ශ්වයන්ට යුක්තිය ඉටු නොවූ බව පැවසූ විපක්ෂ නායකවරයා කියා සිටියේ මෙම ප්‍රහාරය සම්බන්ධයෙන් වන පරීක්ෂණ කටයුතු සඳහා විවිධ ඇඟිලි ගැසීම් ද පවතින බවයි.

එහෙත් සමගි ජන බලවේගය බලයට පත් වූ විගස ස්වාධීන පරීක්ෂණයක් හරහා පාස්කු ප්‍රහාරයට සම්බන්ධ පුද්ගලයන්ට සහ පාර්ශ්වකරුවන්ට තරාතිරම නොබලා දඩුවම් ලබා දෙන බව ඔහු අවධාරණය කළා.

ස්වාධීන දේශීය හා ජාත්‍යන්තර පරීක්ෂණයක් පවත්වා සිදු කරන මේ ක්‍රියාවලියේ දී ඊට සම්බන්ධ කිසිදු පුද්ගලයකුට ගැලවීමට ඉඩ ලබා නොදෙන බවයි විපක්ෂ නායකවරයා ප්‍රකාශ කළේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
1
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?