කටුනායක, මීගමුව සහ කටාන යන පොලිස් බල ප්‍රදේශ බිය වද්දමින් සොරකම් සහ මංකොල්ලකෑම් සිදුකරමින් වරෙන්තු ලබා සිටි සැකකරුවෙක් අත්අඩංගුවට ගැනීමට කටුනායක පොලීසියේ අපරාධ විමර්ශන අංශයේ නිලධාරීන් පිරිසකට ඊයේ (16) රාත්‍රියේ හැකිව තිබෙනවා.
මෙලෙස අත්අඩංගුවට ගෙන ඇත්තේ නදීෂාන් පීරිස් හෙවත් “නදී” නැමැත්තෙකු බවයි වාර්තා වන්නේ.
42 හැවිරිදි මෙම පුද්ගලයා සිය අනියම් බිරිඳගේ නිවසෙහි රැදී සිටින බවට ලද තොරතුරක් මත එම නිවස වටලා, මොහු අත්අඩංගුවට ගැනීමට පොලිසියට හැකිව තිබෙනවා.
සැකකරුට එරෙහිව මංකොල්ලකෑම්, ගෙවල් බිදුම් සහ සොරකම් කිරීම්වලට අදාළව මීගමුව සහ මිනුවන්ගොඩ මහේස්ත්‍රාත් අධිකරණ මඟින් නිකුත් කළ වරෙන්තු 05ක් ඇති බවයි අනවරණය වී ඇත්තේ.
අත්අඩංගුවට ගැනුණු සැකකරු මිනුවන්ගොඩ මහේස්ත්‍රාත් අධිකරණය වෙත ඉදිරිපත් කිරීමෙන් පසු දින 14ක කාලයක් රක්ෂිත බන්ධනාගාර ගත කිරීමට නියෝග කර තිබෙනවා.
