පාකිස්තාන කරච්චි නුවර මේ දිනවල (30) දැවැන්ත විරෝධතා පා ගමනක් ක්රියාත්මක ව තිබෙනවා.
මෙහි ඇති සුවිශේෂීත්වය වන්නේ මෙම විරෝධතාව පැවැත්වීමේ මූලික අරමුණ වන්නේ එරට නගරවලට බලපා ඇති අයහපත් දේශගුණික විපර්යාස බවයි වාර්තා වන්නේ.
වත්මන් පාකිස්තාන රජයෙන් වහාම පාරිසරික ක්රියාමාර්ග ඉල්ලමින් මෙම පා ගමන් සංවිධානය වී තිබෙනවා.
මීට අමතරව පකිස්ථාන මහෝලියති තහෆුස් ව්යාපාරය කේන්ද්ර කරගනිමින් ඇරඹී තිබෙන මෙම විරෝධතවලින් කරච්චියේ දේශගුණික තත්ත්වයන් මත ඇති වන හදිසි අවස්ථා, කුසගින්න සහ දරිද්රතාව පිළිබඳ ගැටලු ඉස්මතු කරමින් ද විරෝධතාකරුවන් රජයට බලපෑම් සිදු කරමින් සිටින බවයි වාර්තා වන්නේ.
ඩෝන් පුවත්පත වාර්තා කළ පරිදි, මෙම ව්යාපාරය එරට ප්රබල පරිසර ක්රියාකාරිකයෙකු වන යසීර් දරියාගේ දේශගුණික ක්රියාකාරී මධ්යස්ථානය සමඟ සහයෝගයෙන් ඉදිරියට ඇදෙන බවත් පැවසෙනවා.
මෙම පා ගමනට සහභාගී වූ යසීර් දරියා පැවසුවේ, ජනතාව දේශගුණික විපර්යාස ගැන සහ එහි බලපෑම ගැන සැලකිලිමත් බවත් ඒ අනුව ඡන්දය පවා වෙනස් වීමට තුඩු දෙන ස්ථානයකට චින්තනය වෙනස් වීම ගැන තමන් සතුටු වන බවයි.
