දශක ගණනාවක් පැවති කළු රාජ්යයේ ප්රතිවිපාකවලට මෙරට ජනතාවට මුහුණදීමට සිදු වූ බව ජනාධිපති අනුර කුමාර දිසානායක පවසනවා.
‘අපේ ආණ්ඩුව වසර දෙකයි-රටට සුබයි’ මැයෙන් පවත්වනු ලබන ජනරැළි මාලාවේ සමාරම්භක රැළියට බුලත්සිංහල දී අද (06) පස්වරුවේ එක්වෙමින් ජනාධිපතිවරයා මේ බව සඳහන් කළා.
ජනතාව විසින් මැතිවරණයේ දී ජාතික ජන බලවේගයට ඡන්දය ලබාදුන්නේ මෙම කළු රාජ්යය වෙනස්කර පිරිසිදු යහපත් ආණ්ඩුකරණයක් බලාපොරොත්තුවෙන් බවයි ජනාධිපතිවරයා මෙහිදී කියා සිටියේ.
එම කාර්යයේ වැදගත් වැඩ කොටස් ගණනාවක් මෙම වසර දෙක තුළ අවසන් කර ඇති බවයි වැඩිදුරටත් දහස් දක්වමින් ජනාධිපති අනුර කුමාර දිසානායක පැවසුවේ.
“රට හදන පළමු පියවර මොකක් ද ? මෙන්න මේ කළු රාජ්යයත් එක්ක හැප්පෙන එක. දේහයක් ලෙස පැතිරිලා තියන මේ කළු රාජ්යය, දශක ගණනාවක් මේක ක්රියාත්මක වුණා. අපිට පෙන්නේ නැතුව අභ්යන්තරව මේ විනාශය ගලාගෙන යමින් තියෙනවා. අපිට පේනවා පොලිසිය තියෙනවා. ප්රදේශීය ලේකම් කාර්යාල තියෙනවා. ග්රාමසේවක මහත්තයා ඉන්නවා. කාර්යාල තියෙනවා අපිට මතුපිටින් පේනවා. හැබැයි මතුපිට එහෙම තිබුණට මොකද වෙලා තියෙන්නේ මතුපිට තියෙන රාජ්යයට යටින් කළු රාජ්යයක් තියෙනවා.ඒ කළු රාජ්යගේ ප්රතිවිපාක වලට තමයි අපේ රටේ ජනතාව මුහුණ දුන්නේ.”
