ත්‍රිකුණාමලය පොලිස් වසමේ සංඝමිත්තා වෙරළ තීරය අසල ඇති මුවන් නැරඹුම් ස්ථානයේ දී අඹුසැමි යුවළට තර්ජනය කර බියගන්වා ඔවුන් පැමිණි මෝටර් රථය, මුදල් හා රන් ආභරණ කොල්ල කා පලා ගොස් තිබෙනවා.
මෝටර් රථයකින් පැමිණි පුද්ගලයින් තිදෙනෙකු විසින් ඊයේ (16) දහවල් මෙම කොල්ලකෑම සිදුකර ඇති බවයි පොලිසිය පැවසුවේ.
මම අපරාධය සම්බන්ධයෙන් ලැබුණු පැමිණිල්ලකට අනුව සිදුකල විමර්ශනයේ දී ත්‍රිකුණාමලය පොලිස් ස්ථානයේ නිලධාරීන් කණ්ඩායමක් විසින් කින්නියා පාලම අසල දී සිදුකළ වැටලීමක දී අපරාධයට සම්බන්ධ කොල්ලකරුවන් දෙදෙනෙකු අත්අඩංගුවට ගෙන තිබෙනවා.
මෙලෙස අත්අඩංගුවට ගැනුණු සැකකරුවන් අවුරුදු 34 හා 35 වයස්වල පසුවන ත්‍රිකුණාමලය ප්‍රදේශයේ පදිංචිකරුවන් බවයි වාර්තා වන්නේ.
කොල්ලකන ලද මෝටර් රථය, කොල්ලකරුවන් පැමිණි මෝටර් රථය හා ජංගම දුරකථනයක් පොලිස් භාරයට ගෙන ඇති අතර සිද්ධියට සම්බන්ධ අනෙක් සැකකරු සහ දේපළ අත්අඩංගුවට ගැනීමට වැඩිදුර විමර්ශන ක්‍රියාත්මකයි.
කොල්ලකරුවන් පැමිණි මෝටර් රථය
සොරාගත් මොටර් රථය
