ජම්මු – කාශ්මීරයේ අධ්යයන කටයුතු සිදු කරන සිසුවෙකුට ප්රදේශවාසීන් පිරිසක් පහර දී තිබෙනවා.
ඉන්දීය මාධ්ය වාර්තා කරන්නේ එම ශිෂ්යයා නාග්පූර්හි ඖෂධ විද්යාලයක ඉගෙනුම ලබමින් සිටින බවයි.
මෙම පහරදීම පෙරේදා (27) පස්වරුවේ සිදු ව තිබෙනවා.
පොලිසිය සඳහන් කළේ මෙම ශිෂ්යයාට පහරකරුවන් 8-9 වතාවක් මහාරාෂ්ට්ර – කම්ප්ටී ප්රදේශයේ දී පහර දී ඇති බවයි.
නමුත් වින්දිතයාගෙන් මෙතෙක් කිසිම පැමිණිල්ලක් ලැබී නැහැ.
දෝඩා නගරයේ සහ ජම්මුහි පදිංචි පළමු වසරේ ඖෂධවේදී උපාධි අපේක්ෂකයින් දෙදෙනෙකු තම නේවාසිකාගාරයට ආපසු යමින් සිටියදී එක් අයෙකු සිය මිතුරා එනතුරු පාර අයිනේ සිටගෙන සිට තිබෙනවා.
පොලිසිය පැවසුවේ ඒ සමඟම, ප්රදේශවාසීන් පිරිසක් එම ස්ථානයට පැමිණ පාර අයිනේ සිටගෙන සිටි ශිෂ්යයාගෙන් ප්රශ්න කිරීමට පටන් ගෙන ඇති බවත්, ඔහු පැමිණියේ කොහෙන්දැයි දැන ගැනීමට උත්සාහ කර ඇති බවයි.
ඔහුගේ ප්රශ්නවලට පිළිතුරු දීමට නොහැකි වූ නිසා, ප්රදේශවාසීන් ඔහුට පහරදී ඇති බව ඉන්දීය ප්රාන්ත පොලිසිය හෙළි කරගෙන තිබෙනවා.
