ජනපති සහ බ්‍රිතාන්‍ය මහ කොමසාරිස්වරිය අතර හමුවක්

ජනාධිපති රනිල් වික්‍රමසිංහ, ශ්‍රී ලංකාවේ බ්‍රිතාන්‍ය මහ කොමසාරිස් සාරා හල්ටන් හමුවුණා.

ඊයේ (28) පස්වරුවේ ජනාධිපති කාර්යාලයේ දී මෙම හමුව සිදු වූ බවයි ජනාධිපති මාධ්‍ය අංශය නිවේදනය කළේ.

එහිදී ජනාධිපතිවරයා වෙත සිය සුබපැතුම් පිළිගැන් වූ මහ කොමසාරිස්වරිය කරුණු කිහිපයක් පිළිබඳව පුළුල් සාකච්ඡාවක නිරත වී තිබෙනවා.

ආර්ථික ප්‍රකෘතිමත්භාවය සහ දේශපාලන ස්ථාවරත්වය සඳහා රජය ගෙන ඇති පියවර පිළිබඳව ජනාධිපතිවරයා මහකොමසාරිස්වරිය එහිදී දැනුවත් කළ බවයි ජනාධිපති මාධ්‍ය අංශය වැඩිදුරටත් සඳහන් කළේ.

එක්සත් ජාතීන්ගේ මානව හිමිකම් සම්බන්ධව ශ්‍රී ලංකාවේ වගවීම, මානව හිමිකම්වලට අනුකූලව කටයුතු කිරීම ඇතුළු කරුණු කිහිපයක් පිළිබඳව ද මෙහිදී සාකච්ඡා කෙරුණා.

ශ්‍රී ලංකාව සහ බ්‍රිතාන්‍ය අතර සබඳතා ශක්තිමත් කර ගැනීම සිය අපේක්ෂාව බව ජනාධිපතිවරයා එහිදී සඳහන් කළ අතර ඒ සඳහා පූර්ණ සහාය ලබාදෙන බවට මහකොමසාරිස්වරිය සහතික වී තිබෙනවා.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
0
හරි හිනා !
1
හම්මෝ !
0
මාර දුකයි !
1
මලපනිනව !
2
කුජීතයි !
1
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?