ඉන්දීය විදේශ කටයුතු අමාත්ය එස්. ජයශංකර් ඊයේ (14) බීජිංහි දී චීන උප ජනාධිපති හැන් ෂෙන්ග් සමඟ සාකච්ඡාවක් පැවැත්වුවා.
එහිදී ද්විපාර්ශ්වික සබඳතාවල දියුණුව කෙරෙහි අවධානය යොමු කෙරුණා.
තම සංචාරය අතරතුර සාකච්ඡා ධනාත්මක ගමන් මඟ පවත්වා ගනු ඇතැයි ජයශංකර් විශ්වාසය පළ කළ බවත් වාර්තා වනවා.
හැන් ෂෙන්ග් සමඟ පැවති හමුවේදී, ජයශංකර් චීනයේ ෂැංහයි සහයෝගිතා සංවිධානයේ (SCO) සභාපතිත්වය සඳහා ඉන්දියාවේ සහයෝගය ප්රකාශ කළා.
X හි සටහනක, ජයශංකර් වැඩිදුරටත් මෙසේ සඳහන් කළා.
“අද බීජිං වෙත පැමිණි විගස උප ජනාධිපති හැන් ෂෙන්ග් හමුවීමට ලැබීම සතුටක්. චීනයේ SCO සභාපතිත්වය සඳහා ඉන්දියාවේ සහයෝගය ප්රකාශ කළා. අපගේ ද්විපාර්ශ්වික සබඳතාවල දියුණුව සටහන් කළා. මගේ සංචාරය අතරතුර සාකච්ඡා පැවැත්වෙන බවට විශ්වාසය පළ කළා.” යනුවෙන්.
අගමැති නරේන්ද්ර මෝදි සහ චීන ජනාධිපති ෂී ජින් පිං අතර කසාන්හි දී පැවති හමුවෙන් පසු දෙරට අතර සබඳතා වැඩිදියුණු වෙමින් පවතින බව ඔහු වැඩිදුරටත් අවධාරණය කළා.
