මහවැලි ගඟේ පාවෙමින් තිබූ නාඳුනන පුද්ගලයෙකුගේ මළසිරුරක් හමු ව තිබෙනවා.
දසත ප්රාදේශීය වාර්තාකරු පැවසුවේ; අද (10) දින මෙම මළසිරුර නාවලපිටිය පොලිසියට ලද තොරතුරක් මත සොයාගත් බවයි.
නාවලපිටිය – හපුගස්තලාව ප්රධාන මාර්ගයේ මල්ලන්ද පාලම යටින් ගලා බසිනා ස්ථානයේ දීයි මෙම මළසිරුර හමුව ඇත්තේ.
නාවලපිටිය පොලිසියේ නිලධාරින් එම ස්ථානයට ගොස් පාවෙමින් තිබූ සිරුර ගසාගෙන නොයන ලෙසට ලණුවකින් ගැට ගසා තිබෙනයුරු නිරීක්ෂණය වී තිබෙනවා.
මෙසේ මියගොස් ඇත්තේ වයස අවුරුදු 40-45ක වයසේ පසුවන අයෙකු බවත් සඳහන්.
තවමත් අනන්යතාව සොයාගෙන නොමැති අතර සිරුර පශ්චාත් මරණ පරීක්ෂණය සඳහා නාවලපිටිය දිස්ත්රික් මහ රෝහලට යොමු කර තිබෙනවා.
