ගොකරැල්ල පොලිස් වසමේ, පාළුකටුමැටියාව ප්රදේශයේදී, තියුණු ආයුධයකින් පහරදීම හේතුවෙන් පුද්ගලයෙක් ඊයේ (02) ජීවිතක්ෂයට පත්වී තිබෙනවා.
ජීවිතක්ෂයට පත්වූ පුද්ගලයා සහ ඔහුගේ බෑණා අතර පෙරේදා (01) රාත්රියේ ඇතිවූ ආරවුලක් දුරදිග යාමෙන්, සැකකාර බෑණා තියුණු ආයුධයකින් පහරදී මෙම ඝාතනය සිදුකර ඇති බව දැනට සිදුකර ඇති විමර්ශනවලදී අනාවරණය වී ඇති බවයි පොලිසිය පවසන්නේ.
මෙලෙස ජීවිතක්ෂයට පත්වී ඇත්තේ වයස අවුරුදු 55 ක් වන පාළුකටුමැටියාව ප්රදේශයේ පදිංචිව සිටි අයෙක්.
අදාළ සිද්ධිය සම්බන්ධයෙන් වයස අවුරුදු 34 ක් වන සැකකරු අත්අඩංගුවට ගෙන ඇති අතර, ගොකරැල්ල පොලිසිය විසින් වැඩිදුර විමර්ශන සිදු කරනු ලබනවා.
