සංචාරක ඕස්ට්රේලියාව සමඟ අද (14) පැවති දෙවන එක්දින තරගය ජය ගැනීමට ශ්රී ලංකා කණ්ඩායම සමත් වුණා.
කොළඹ ආර්. ප්රේමදාස ක්රීඩාංගණයේ දී පැවති මෙම තරගය ශ්රී ලංකාව ජය ගත්තේ ලකුණු 174කින්.
මෙම ජයත් සමඟ තරග දෙකකින් සමන්විත එක්දින තරගාවලිය තරග දෙකට බිංදුවක් ලෙස ශ්රී ලංකා ජයගත්තා.
අද පැවති දෙවන එක්දින තරගයේ කාසිය වාසිය දිනා පළමුව පන්දුවට පහරදුන් ශ්රී ලංකාව කඩුලු 04ක් දැවී ලකුණු 281ක ලකුණු පුවරුවක් නිර්මාණය කළා.
එහිදී කුසල් මෙන්ඩිස් ලකුණු 101ක් ශ්රී ලංකා ලකුණු පුවරුවට එක් කරද්දී නායක චරිත් අසලංක ලකණු 78 කින් සිය දායකත්වය ලබාදුන්නා.
මේ අතර අද තරගය සඳහා කැඳවීම් ලැබූ නිශාන් මදුෂ්ක ඊට සාධාරණයක් එක්කරමින් ලකුණු 51ක් රැස් කළා.
අනතුරුව ලකුණු 282ක ඉලක්කයක් හඹා ගිය ඕස්ට්රේලියාවට පන්දුවාර 24යි පන්දු 02ක් තුළ සියලුදෙනා දැවී රැස්කරගත හැකි වූයේ ලකුණු 107ක් පමණයි.
පන්දු යැවීමේ දී දුනිත් වෙල්ලාලගේ ඕස්ට්රේලියානු පිළිතුරු ඉනිමේ කඩුලු 04ක් බිඳ දැමූ අතර, අසිත ප්රනාන්දු සහ වනිඳු හසරංග කඩුලු 03 බැඟින් බිඳ දැමුවා.
ඒ, අනුව මෙම තරගය ලකුණු 174කින් ජය ගැනීමට සත්කාරක ශ්රී ලංකාවට හැකියාව ලැබුණු අතර, එක්දින තරගයක දී ශ්රී ලංකා ඕස්ට්රේලියාව පරාජය කළ ඉහළම ලකුණු සංඛ්යාව ලෙස මෙම ජයග්රහණය වාර්තා අතරට එක්වනවා.
