සංචාරක ඔස්ට්රෙලියානු කණ්ඩායම අද (24) දින දිවයිනට පැමිණීමට නියමිත ව තිබෙනවා.
ඒ සත්කාරක ශ්රී ලංකාවට එරෙහිව පැවැත්වෙන ටෙස්ට් සහ එක්දින තරගාවලියක් සඳහා එක් වීමටයි.
දෙරට අතර පළමුවෙන් ම තරග දෙකකින් යුත් ටෙස්ට් තරගාවලිය පැවැත්වෙන අතර එය 2025 ටෙස්ට් ලෝක ශූරතාවලියේ අවසන් මහා තරගයට පිවිසෙන සාමාජිකයා තීරණය කිරීමට බෙහෙවින් බලපානු ඇති.
දෙරට අතර පළමු ටෙස්ට් තරගය එළඹෙන 29 වැනි දින ගාල්ල ජාත්යන්තර ක්රීඩාංගණයේ දී පැවැත්වෙන අතර තරගය පෙරවරු 10ට ආරම්භ වීමට නියමිතයි.
දෙවැනි ටෙස්ට් තරගය පෙබරවාරි මස 06 වැනි දා එම ක්රීඩාංගණයේ දී ම පැවැත්වෙනවා.
ඉන් පසුව ශ්රී ලංකාව සහ ඔස්ට්රෙලියාව අතර තරග දෙකකින් සමන්විත එක්දින තරගාවලියක් ද පැවැත්වෙන අතර එහි තරග දෙකම පැවැත්වෙන්නේ කොළඹ ආර්. ප්රේමදාස ක්රීඩාංගණයේදියි.
එම තරග දෙක පිළිවෙළින් පෙබරවාරි 12 සහ 14 යන දෙදින පැවැත්වෙනවා.
ඔස්ට්රෙලියා ටෙස්ට් කණ්ඩායමේ නායකත්වය ස්ටීවන් ස්මිත් විසින් දරනු ලබන අතර ශ්රී ලංකා කණ්ඩායමේ මෙහෙයවීම ධනංජය ද සිල්වා විසින් සිදු කරනු ලබනවා.
මේ වනවිට ඔස්ට්රෙලියානු ක්රිකට් කණ්ඩායම රැඳී සිටින්නේ ඩුබායි රාජ්යයේයි.
