spot_img
AFC Banner
Empty Ad
Empty Ad

ඔබාමාගේ පුද්ගලික සූපවේදියා හදිසි අනතුරකින් ජීවිතක්ෂයට

ඇමරිකානු හිටපු ජනාධිපති බැරැක් ඔබාමාගේ පුද්ගලික සූපවේදියෙකු පසුගිය ඉරිදා හිටපු ජනාධිපතිවරයාගේ නිවස පිහිටි මාර්තාස් වයිනේයාඩ් හිදී අනතුරකට ලක්ව ජීවිතක්ෂයට පත්ව තිබෙනවා.

පැඩ්ල් බෝඩ් අනතුරකින් දියේ ගිලී මෙම සූපවේදියා ජීවිතක්ෂයට පත්ව ඇති බවයි විදෙස් මාධ්‍ය වාර්තා කරන්නේ.

ටෆාරි කැම්ප්බෙල් නැමැති 45 හැවිරිදි මෙම පුද්ගලයාගේ සිරුර ඔබාමාගේ නිවස අසල පිහිටි එඩ්ගාටවුන් පොකුණේ තිබී මැසචුසෙට්ස් ප්‍රාන්ත පොලිසිය විසින් සොයාගෙන තිබෙනවා.

මෙම අනතුර සිදුවන අවස්ථාවේ ඔබාමා සහ ඔහුගේ බිරිඳවන මිෂෙල් ඔබාමා නිවසේ සිට නොමැති බවට ද තොරතුරු වාර්තා වනවා.

ටෆාරි කැම්බල් සූපවේදියා, ඔබාමා ජනාධිපතිව සිටි සමයේ ධවල මන්දිරයේ සූපවේදියෙකු ලෙස සේවය කර ඇති අතර, ඔබාමා විශ්‍රාම යාමෙන් පසු මෙම සූපවේදියා ද සිය පුද්ගලික කාර්ය මණ්ඩල සේවකයෙකු ලෙස තබාගෙන තිබෙනවා.

“ඔහු අපගේ ජීවිතයේ කොටසක් වුණා. අද අපි ටෆාරි දන්නා සහ ආදරය කරන සෑම කෙනෙකු සමඟම විශේෂයෙන් ඔහුගේ බිරිඳ ෂෙරීස් සහ ඔවුන්ගේ නිවුන් පිරිමි ළමයින් වන සේවියර් සහ සවින් සමඟ මෙම අපූරු මිනිසාගේ වියෝව ගැන ශෝකයට පත වෙනවා.”යනුවෙන් හිටපු ජනධිපති ඔබාමා ප්‍රකාශයක් නිකුත්කරමින් සඳහන් කළා.

ඔබේ ප්‍රතිචාරය කුමක්ද ?
+1
2
+1
1
+1
0
+1
1
+1
10
+1
5
+1
3
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?