පාකිස්තානය පදනම් කරගත් මූලික ප්රතිඵලවලට අනුව පාකිස්තානයේ මුළු ජනගහනය 249,566,743 (මිලියන 249.566) වෙත ළඟා වී තිබෙන බව ප්රධාන සංගණන කොමසාරිස් සහ ප්රධානියා නයිමූස් සෆාර් පවසනවා.
2023 වසර සඳහා පැවති හත්වන ජාතික සහ ප්රථම ඩිජිටල් ජනගහන සංගණනය මගින් මෙම තොරතුරු අනාවරණය වී ඇති බවයි ඔහු සඳහන් කළේ. සංගණන කොමසාරිස්වරයා මාධ්ය හමුවක් අමතමින් කියා සිටියේ පළාත අනුව පංජාබ් ජනගහනය 127,474,000 (මිලියන 127.4) ඉක්මවා වඩාත් ජනාකීර්ණ පළාත බවට පත්ව තිබෙන බවයි. සින්ද්හි ජනගහනය 57,931,000 (මිලියන 57.93) ඉක්මවා තිබෙනවා.
ෆෙඩරල් අගනුවර වන ඉස්ලාමාබාද්හි ජනගහනය ළඟා වී ඇත්තේ 2,359,422 (මිලියන 2.35) දක්වායි.
සංගණනයට අනුව පසුගිය සංගණනයේ සිට පකිස්ථානයේ ජනගහනය මිලියන 49කින් වැඩි වී තිබෙනවා. සංගණන කාල සීමාව පුළුල් කිරීමෙන් තවත් මිලියන 10.7ක ජනතාවක් අතිරේකව ගණන් කළ බව ඔහු වැඩිදුරටත් ප්රකාශ කළා.
ජූනි මාසයේදී ප්රතිඵල නිකුත් වූ පසු, මෙම දත්ත මැතිවරණය සඳහා භාවිත කරන ලෙස පොදු අවශ්යතා කවුන්සිලයෙන් (CCI) ඉල්ලීමක් කරන බවයි ප්රධාන සංගණන කොමසාරිස්වරයා වැඩිදුරටත් සඳහන් කළේ.සංගණනය සම්බන්ධයෙන් පැමිණිලි මිලියන 0.2කට වැඩි ප්රමාණයක් ලැබී ඇති බව ද ඔහු ප්රකාශ කළා.
දේශපාලන පක්ෂ ඇතුළු බොහෝ පැමිණිලිවලට විසඳුම් ලබාදී ඇති බවයි ඔහු පෙන්වා දුන්නේ. සමස්ත පිරිවැය සම්බන්ධයෙන් ගත් කල, සංගණන කොමසාරිස්වරයා ප්රකාශ කළේ පළමු ඩිජිටල් සංගණනය සඳහා මුළු වියදම රුපියල් බිලියන 34 ඉක්මවන බවයි.
අධීක්ෂණ උපකරණ පුවරු සහ දත්ත ඇතුළත් කිරීම සඳහා ටැබ්ලට් ප්රවේශය පළාත්, දිස්ත්රික් සහ බල ප්රදේශ මට්ටමින් සපයනු ලබන සියලුම සේවාවන් 2023 මැයි 22 මධ්යම රාත්රිය වන විට වසා දැමුණා.අග්රාමාත්යවරයාගේ උපදෙස් අනුව සත්යාපන ක්රියාවලිය 2023 මැයි 30 වන විට සම්පූර්ණ කිරීමට නියමිතව තිබෙනවා.
පාකිස්ථානයේ ආර්ථිකය මේ වන විට පත්ව තිබෙන්නේ අර්බුදයකටයි. එහෙත් අතීතයේ පැවති දෝෂ සහිත ප්රතිපත්ති හේතුවෙන් ඇති වූ අවුල් සහගත තත්ත්වයට විසඳුම් සෙවීමට හෝ අරමුදල් කාර්ය මණ්ඩලය සමඟ වඩාත් ඵලදායී ලෙස සාකච්ඡා කිරීමට අවශ්ය විශේෂඥ දැනුමක් ඇති බවක් පෙනෙන්නට නැහැ. පකිස්ථානය ඒ වෙනුවට කියා සිටියේ 2023 ජූලියෙන් පසු තම බාහිර බැඳීම් ඉටු කිරීමේ හැකියාව තමන්ට ඇති බවයි
