එළඹෙන 26,27,28 යන දිනවලදී නිරිත දිග කොටසේ වර්ෂාපතනයේ වර්ධනයක් බලාපොරොත්තු වන බව කාලගුණ විද්යා දෙපාර්තමේන්තුව පවසනවා.
එම දිනයන්වලදී නිරිත දිග මෝසම දිවයින හරහා ස්ථාපිත වීමක් අපේක්ෂා කරන බැවින් මෙලෙස වැසි තත්ත්වය් වර්ධනයක් එම දිනයන්වලදී බලාපොරොත්තු වන බවයි කාලගුණ විද්යා දෙපාර්තමේන්තුව වැඩිදුරටත් දැනුම්දෙන්නේ.
එමෙන්ම හෙට (25) දිනයේ දී බස්නාහිර, සබරගමුව, වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බවත්, ඒ අතරින් බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවලට මිලි මීටර් 75 ක පමණ තරමක තද වැසි ඇති විය හැකි බවට කාලගුණ විද්යා දෙපාර්තමේන්තුව විසින් හෙට (24) දිනයට අදාළව නිකුත් කළ කාලගුණ නිවේදනයේ සඳහන්.
අනුරාධපුර සහ මන්නාරම දිස්ත්රික්කවලද හෙට වැසි ස්වල්පයක් ඇති විය හැකි බව කාලගුණ නිවේදනය මඟින් පෙන්වා දී තිබෙනවා.
ඌව පළාතේත් මඩකලපුව සහ අම්පාර දිස්ත්රික්කවලත් ස්ථාන ස්වල්පයක පස්වරු 1.00 න් පසුව වැසි හෝ ගිගුරුම් සහිත වැසි ඇති විය හැකි බවද එහි සඳහන්.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු – මැද, වයඹ සහ දකුණු පළාත්වලත් ත්රිකුණාමලය දිස්ත්රික්කයේත් විටින් විට හමන පැයට කිලෝ මීටර් 30 – 40 පමණ තරමක තද සුළං ඇති විය හැකි බව ද කාලගුණ විද්යා දෙපාර්තමේන්තුව දැනුම් දී තිබෙනවා.
ගිගුරුම් සහිත වැසි සමග ඇති විය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසයි එම දෙපාර්තමේන්තුව ජනතාවගෙන් ඉල්ලා සිටින්නේ.
