තමන් කිසිදු වරදක් සිදු කර නොමැති බවත්, අවශ්‍ය ඕනෑම අවස්ථාවක අත් අඩංගුවට ගැනීමට අවශ්‍ය නම් එය කරන ලෙසත් පාර්ලිමේන්තු මන්ත්‍රී වෛද්‍ය රාමනාතන් අර්චුනා මහතා පවසනවා.
අද (21) පාර්ලිමේන්තුවේ පැවති විවාදයට එක්වී එය අවසන් ව පිටතට පැමිණෙමින් මන්ත්‍රීවරයා මේ බව සඳහන් කළා.
තමන් පාර්ලිමේන්තුව වෙත පැමිණෙමින් සිටි අවස්ථාවේ දී රථ වාහන පොලිස් නිලධාරීන් තමන්ගේ රථය මාර්ග නීති උල්ලංඝනය කළ බවට පවසමින් නතර කළ බව ද මන්ත්‍රීවරයා කියා සිටියා.
එහිදී තමන්ට පෙන්වීමට පාර්ලිමේන්තු හැඳුනුම්පත හා අනෙකුත් ලියකියවිලි නොතිබූ බවත්, එම ලියකියවිලි ලැබුණේ අද බවත් හෙතෙම වැඩිදුරටත් මාධ්‍ය හමුවේ ප්‍රකාශ කළා.
තමන් ඊයේ රාත්‍රියේ දී යාපනයේ සිට කොළඹ දක්වා තනියම කිසිදු ආරක්ෂාවක් හෝ නොමැතිව එක දිගට සිය වාහනය ධාවනය කරගෙන පැමිණීම හේතුවෙන් VIP ලාම්පුව වාහනයේ ඉදිරියෙන් දල්වා පැමිණියේ අනතුරක් වුවහොත් එය පාර්ලිමේන්තු මන්ත්‍රීවරයෙකුගේ යැයි හඳුනාගැනීමටත් බවත් අර්චුනා මහතා මෙහිදී මාධ්‍යවේදීන් නැගූ ප්‍රශ්නවලට පිළිතුරු ලෙස පැවසුවා.
wpDiscuz
