නිව්යෝර්ක් නුවර ලාගාඩියා ගුවන් තොටුපොළ වෙත ගොඩබැස් වූ එයාර් කැනඩා එක්ස්ප්රස් සමාගමට අයත් යානයක් ගොඩබිම් ආධාරක රථයක ගැටීමෙන් බරපතල අනතුරක් සිදුව තිබෙනවා.
මොන්ට්රියල් සිට පැමිණි මෙම CRJ-900 වර්ගයේ යානය ගොඩබස්වන අවස්ථාවේ දී මෙම අනතුර සිදුව ඇති බවයි වාර්තා වන්නේ.
මෙම අනතුරින් ගුවන් යානයේ ඉදිරිපස කොටසට දැඩි හානි සිදුව ඇති බවයි විදෙස් වාර්තා සඳහන් කළේ.
අනතුර හේතුවෙන් පැමිණීමට නියමිතව තිබූ ගුවන් යානා වෙනත් ගුවන් තොටුපොළවල් වෙත හරවා යවා ඇති අතර, අනතුරින් කිහිප දෙනෙකු තුවාල ලබා ඇති බවයි වාර්තා වුණේ.
ඇමරිකානු මාධ්ය වාර්තාවලට අනුව, කාර්ය මණ්ඩල සාමාජිකයින් හතර දෙනෙකු සහ මගීන් 76 දෙනෙකු අනතුර සිදුවන අවස්ථාවේ දී යානය තුළ සිට තිබෙනවා.
