මීරිගම – බෝතලේ පහළගම ප්රදේශයේ ඊයේ (15) පස්වරුවේ දූරියන් වත්තක දී සිදු වූ වෙඩි තැබීමකින් තුවාල ලබා රෝහල්ගත කළ පුද්ගලයා මියගොස් තිබෙනවා.
දසත ප්රාදේශීය වාර්තාකරු පැවසුවේ, 18 හැවිරිදි වියෙහි පසුවූ අක්කර 20 ප්රදේශයේ පදිංචිකරුවෙකු මෙම වෙඩි ප්රහාරයෙන් මියගොස් ඇති බවයි.
මරණකරු ඇතුළුව තවත් තරුණයින් තිදෙනෙකු එම ප්රදේශයේ දූරියන් වත්තකට හොර රහසේ ඇතුල් වූ අවස්ථාවේ දී වත්තේ මුරකරු යැයි පවසන තැනැත්තෙකු විසින් වෙඩි තබා තිබෙනවා.
එම වෙඩි පහරින් එක් තරුණයෙකු ජීවිතක්ෂයට පත් ව ඇති බවත් සෙසු දෙදෙනා පලා ගොස් ඇති බවත් පොලිසිය සඳහන් කළා.
වෙඩි තැබූ බව කියන වත්තේ මුරකරු පොලිස් අත්අඩංගුවට පත්ව තිබෙනවා.
මේ අතර මරණකරුගේ ඥාතීන් හා මීරිගම පොලිසිය අතර උණුසුම් වචන හුවමාරුවක් ද ඊයේ සිදු වුණා.
ඥාතීන් චෝදනා කරන්නේ මියගිය පුද්ගලයා වහාම රෝහල්ගත කිරීමට අවශ්ය පියවර පොලිසිය විසින් නොගත් බවයි.
වෙඩි වැදී පැය 04කින් පසුව පොලිසිය විසින් සුවසැරිය ගිලන් රථයක් කැඳවූ බවත් මියගිය පුද්ගලයා පරීක්ෂා කිරීමෙන් පසුව ඔහු මියගොස් ඇති බවට තහවුරු වීමෙන් අනතුරුව ගිලන්රථය ආපසු හරවා යැවූ බවටත් ඥාතීන් චෝදනා කරනවා.
මරණකරුගේ පශ්චාත් මරණ පරීක්ෂණය අද (15) පැවැත්වීමට නියමිතයි.
