ශ්‍රී ලංකා පොලිස් විශේෂ කාර්ය බලකා ඉතිහාසයේ ප්‍රථම කාන්තා සහකාර පොලිස් අධිකාරී ලෙස ප්‍රධාන පොලිස් පරීක්ෂක එන් ටී එන් කුමාරි මහත්මිය පත්කර තිබේ.
1997 ශ්‍රීලංකා පොලිස් දෙපාර්තමේන්තුවට බැදෙන එන් ටී එන් කුමාරි මහත්මිය 1997 මැයි මස 31 දින විශේෂ කාර්ය බලකායට අනියුක්ත කර තිබේ.
උප පොලිස් පරීක්ෂකවරියල් ලෙස කාර්ය ආරම්භක ඇති එන් ටී එන් කුමාරි මහත්මිය 2002 වසරේදි පොලිස් පරීක්ෂක තනතුරටද , 2014 වසරේදී කාන්තා ප්‍රධාන පොලිස් පරික්ෂක තනතුරටද උසස්වීම් ලැබ ඇත.
ටයිකොන්ඩෝ ක්‍රීඩිකාවක් ලෙද ජාතික ජාත්‍යන්තර ජයග්‍රහණ රැසක් පොලිස් විශේෂ කාර්ය බලකායට ලබාදී ඇති එන් ටී එන් කුමාරි මහත්මිය වර්තමාන ජාතික ටයිකොන්ඩෝ සම්මේලනයේ තේරීම් කමිටු සභාපතිනිය ලෙසද කටයුතු කරයි. එමෙන්ම අවස්ථා ගණනාවකදී ප්‍රභු ආරක්ෂක රාජකාරියේද නියැලි ඇති ඇය නිදහස් උත්සව පෙලපාලියේ කාන්තා කණ්ඩායම් අණදෙන නිලධාරිණිය ලෙසද කටයුතු කරයි.
එන් ටී එන් කුමාරි මහත්මිය කොළඹ විශ්ව විද්‍යාලයේ මානව හිමිකම් පිළිබඳ ශාස්ත්‍රපතිඋපාධිද හදාරා ඇත.
wpDiscuz
