ශ්රී ලංකා රේගුවේ නිෂ්කාශනය නොවී මෝටර් රථ ප්රවාහන දෙපාර්තමේන්තුවේ අනීතික ලෙස ලියාපදිංචි වී ඇති මෝටර් රථයක් සඳහා අංක තහඩුවක් නිකුත් කිරීම සඳහා අනුමැතිය දීම සම්බන්ධයෙන් සැකපිට අත්අඩංගුවට ගත් හිටපු මෝටර් රථ කොමසාරිස් ජෙනරාල් නිශාන්ත අනුරුද්ධ වීරසිංහ ඇතුළු සැකකරුවන් හතර දෙනෙකු ඇප මත මුදා හරින ලෙස කොළඹ ප්රධාන මහේස්ත්රත් තනුජා ලක්මාලි ජයතුංග මහත්මිය නියෝග කළා.
අල්ලස් කොමිසමේ සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව සැකකරුවන් තුන් දෙනකු රුපියල් මිලියනය බැගින් වූ ශරීර ඇප දෙකක් හා එක් සැකකරුවෙකු රුපියල් ලක්ෂ 5 ක ශරීර ඇපයක් මත මුදා හැරීමට ප්රධාන මහෙස්ත්රාත්වරිය නියෝග කළ බවයි දසත අධිකරණ වාර්තාකරු තහවුරු කළේ.
සැකකරුවන්ගේ විදෙස් ගමන් තහනම් කල මහෙස්ත්රාත්වරිය සැකකරුවන්ගේ විදේශ ගමන් බලපත්ර අධිකරණය හමුවට භාර දෙන ලෙසත් නියෝග කළා.
ඉන් අනතුරුව නඩුව යළි නොවැම්බර් 14 යළි කැඳවීමට ද මහෙස්ත්රාත්වරිය නියම කළා.
