‘NEXT’ ආයතනයේ රැකියා අහිමි වූවන්ගේ වගකීම රජය භාරගන්නවා ද? – විපක්ෂ නායක

කටුනායක නිදහස් වෙළෙඳ කලාපයේ සුප්‍රසිද්ධ ඇඟලුම් කර්මාන්ත ශාලාවක් වන ‘NEXT’ ආයතනය වසා දැමීම සහ එහි සේවක සේවිකාවන් 2000ක් පමණ රැකියා විරහිත ව එළියට ඇදවැටීමේ වගකීම වත්මන් රජය භාරගැනීමක් සිදු කරනවා ද යන්න විපක්ෂ නායක සජිත් ප්‍රේමදාස මහතා ප්‍රශ්න කරනවා.

රට තුළ පවතින ආර්ථික දුෂ්කරතාව හේතුවෙන් මෙම කර්මාන්ත ශාලාව පවත්වාගෙන යා නොහැකි බව එහි හිමිකරුවන් පවසා ඇති බවයි විපක්ෂ නායකවරයා මේ වනවිට (21) පාර්ලිමේන්තුවේ දී අදහස් දක්වමින් සඳහන් කළේ.

1978 වසරේ දී ආරම්භ වූ මෙම NEXT කර්මාන්ත ශාලාව ඇඟලුම් නිෂ්පාදිත ආයතනයක් වන අතර එය ඊයේ (20) දිනයේ සිට සම්පූර්ණයෙන් ම වසා දැමුණේ අලාභ සිදුවීම ඉහළ බවට පවසමින්.

එංගලන්තයේ ආයෝජන ව්‍යාපෘතියක් වන මෙම කර්මාන්ත ශාලාවේ ඇඟලුම් එංගලන්තය වෙත අපනයනය කිරීම සිදු කෙරුණා.