ක්රිකට් පිටියට වසන්තය උදාකරන ලොව ධනවත්ම ක්රිකට් ලීගය ලෙස සැළකෙන ඉන්දීය ප්රිමියර් ලීග් තරගාවලියේ 16 වන දිගහැරුම ඊයේ (31) රාත්රියේ ආරම්භ වුණා.
මෙවර තරගාවලිය අරඹමින් පසුගිය වර ශූරයින් වූ ගුජරාට් ටයිටන්ස් කණ්ඩායම සහ සිව්වරක් ඉන්දීය ප්රිමියර් ලීග් ශූරතාව දිනාගත් මහේන්ද්ර සිං නායකත්වය දරණ චෙන්නායි සුපර් කිංග්ස් පිළ ඊයේ රාත්රියේ තරග බිමට පිවිසියා.
මෙම තරගයෙන් පසුගිය වර ශූරයින් වූ ගුජරාට් ටයිටන්ස් පිළ ජය ගත්තේ චෙන්නායි පිළ කඩුලු 05කින් පරාජය කරමින්.
පළමු තරගයේ කාසිය වාසිය දිනාගත් ගුජරාට් පිළ පළමුව පන්දු යැවීමට තීරණය කළා.
ඒ, අනුව ගුජරාට් ඇරයුමෙන් පළමුව පන්දුවට පහරදුන් චෙන්නායි පිතිකරුවන් නියමිත පන්දුවාර 20 තුළ කඩුලු 07ක් දැවී රැස්කළ ලකුණු සංඛ්යාව 178ක්.
එහිදී ආරම්භක පිතිකරු රුතුරාජ් ගයික්වාඩ් පන්දු 50ක් තුළ ලකුණු 92ක් රැස්කරමින් චෙන්නායි ඉනිම වෙනුවෙන් වැඩි දායකත්වයක් ලබාදුන්නා.
පන්දු යැවීමේ දී රෂිඩ් ඛාන්, මොහොමඩ් ෂාමි සහ අල්සාරි ජෝසප් අතරේ කඩුලු 02ක බැඟින් බෙදී ගියා.
අනතුරුව ලකුණු 179ක ජයග්රාහී ඉලක්කයක් හඹා යාමට පිටියට පිවිසි ගුජරාට් පිළේ ආරම්භක පිතිකරු ශුබ්මන් ගිල් ලකුණු 63ක් සහ වෘද්ධිමාන් සහා ලකුණු 25ක් රැස් කළා.
අවසානයේ ගුජරාට් පිළ ජයග්රහණය කරා රැගෙන ගිය ෂිඩ් ඛාන් සහ රාහුල් තේවාටියා නොදැවී පිළිවෙලින් ලකුණු 10ක් සහ 15ක් රැස් කිරීමට සමත් වුණා.
ඒ, අනුව පන්දුවාර 19යි පන්දු 02ක් තුළ අදාළ ඉලක්කය පසුකර යමින් ගුජරාට් ටයිටන්ස් කණ්ඩායම මෙම තරගයේ ජය හිමිකර ගත්තා.
