යුක්රේනයේ F-16 ප්රහාරක ජෙට් යානාවක් විනාශ කිරීම පිළිබඳ විවාදයක් මධ්යයේ ජනාධිපති ව්ලදිමීර් සෙලෙන්ස්කි විසින් යුක්රේනයේ ගුවන් හමුදාපති ලුතිනන් ජෙනරාල් මයිකොලා ඔලෙෂ්චුක් නෙරපා හැර තිබෙනවා.
ගුවන් හමුදාපති සේවයෙන් පහ කිරීමට හේතුවක් මෙතෙක් දන්වා නොමැති අතර ජනාධිපතිවරයා පවසා ඇත්තේ “අපගේ සියලුම රණශූරයන් රැකබලා ගැනීම” තම වගකීම බවයි.
යුක්රේනයේ බටහිර සහචරයන් විසින් ලබා දුන් එක්සත් ජනපදයේ නිෂ්පාදිත F-16 ප්රහාරක ජෙට් යානාවලින් එකක් රුසියානු මිසයිල ප්රහාරයක් අතරතුර බිමට වැටී එහි සිටි ගුවන් නියමුවා මිය ගොස් තිබුණා.
යානය කඩා වැටීමට හේතුව සතුරු ප්රහාරයක සෘජු ප්රතිඵලයක් නොවන බවයි යුක්රේනය ප්රකාශ කරන්නේ.
ඒ අනුව යුක්රේනයේ ගුවන් හමුදාවේ අන්තර්වාර අණදෙන නිලධාරියා ලෙස ලුතිනන් ජෙනරාල් ඇනටෝලි ක්රිවොනොෂ්කෝ පත් කළ බව හමුදා ප්රධාන කාර්ය මණ්ඩලය නිවේදනයක් නිකුත් කරමින් සඳහන් කරනවා.
ඔහු මීට පෙරින් මධ්යම ගුවන් විධානයන් අධීක්ෂණය කළ අතර රට මධ්යයේ මෙහෙයුම් සිදු කර තිබෙනවා.
2022 පෙබරවාරි මාසයේ දී රුසියාව සිය ආක්රමණය දියත් කළ දා සිට යුක්රේන ජනාධිපතිවරයා විසින් හමුදාපතිවරුන් කිහිප දෙනෙකුම සේවයෙන් පහකර ඇති බවයි විදෙස් මාධ්ය වාර්තා කරන්නේ.
