එංගලන්තයේ ආරම්භක පිතිකරු ඩේවිඩ් මලාන් (Dawid Malan) විශිෂ්ට එක්දින ශතකයක් වාර්තා කිරීමට මීට ටික වේලාවකට පෙර සමත් වුණා.
ඒ මේ වනවිට ඉන්දියාවේ ධර්මසාලා ක්‍රීඩාංගණයේ දී පැවැත්වෙන 2023 එක්දින ක්‍රිකට් ලෝක කුසලාන තරගයේ දී බංග්ලාදේශ කණ්ඩායමට එරෙහිව යි.
මෙම ශතකය Malan ගේ එක්දින ක්‍රිකට් දිවියේ සයවැනි ශතකය ද වන අතර, එය මෙවර ලෝක කුසලානයේ ඔහුගේ පළමු ශතකය ද වනවා.
Malan ට ශතකය ලබා ගැනීමට වැය වූ පන්දු ගණන 91ක්.
ඊට දැවැන්ත හතරේ පහර 12ක් සහ අහස උසට එසවුණු හයේ පහර 02ක් ද ඇතුළත් වුණා.
Malan අද ක්‍රීඩා කරන්නේ ඔහුගේ ජාත්‍යන්තර එක්දින පිටියේ 23 වැනි තරගය යි.
මේ වනවිට බංග්ලාදේශයේ ඇරයුමෙන් පළමු ව පන්දුවට පහර දෙන එංගලන්ත කණ්ඩායම එක් කඩුල්ලක් දැවී ලකුණු 195ක් ලබා සිටිනවා.
පළමු කඩුල්ල ලෙස දැවී ගියේ අද දිනයේ සිය එක්දින 100 වැනි තරගයට එක් වන ජොනී බෙයාර්ස්ටෝයි.
ඔහුගෙන් එංගලන්ත ලකුණු පුවරුවට හැඩකාර අර්ධ ශතකයක් එක් වුණා.
දෙවැනි කඩුල්ල වෙනුවෙන් Malan සමග පිටියෙහි රැඳී සිටින්නේ රූට්.
