ඉන්දීය ප්රිමියර් ලීග් ක්රිකට් තරගාවලියේ සන්රයිසස් හයිද්රාබාද් කණ්ඩායම සමග පැවැති තරගය ලකුණු 67කින් ජයගැනීමට රෝයල් චැලෙන්ජර්ස් බැංගලෝර් කණ්ඩායම ඊයේ සමත්විය. සුපිරි පන්දු යැවීමක නිරත වූ වනිඳු හසරංග සන්රයිසස් හයිද්රාබාද් කණ්ඩායම අසරණ කරමින් කඩුලු 5ක් දවාගත්තේය.
මේ අනුව මෙවර IPL තරගාවලියේ පන්දු යවන්නෙකු වාර්තා කළ හොඳම පන්දු යැවීම වනිඳු හසරංග විසින් වාර්තා කර තිබේ.රෝයල් චැලේන්ජර්ස් බැංග්ලෝර් කණ්ඩායම නියෝජනය කරමින් IPL තරගාවලියකදී වැඩිම කඩුලු සංඛ්යාවක් දවා ගත් විදෙස් පන්දු යවන්නා ලෙසද වනිඳු හසරංග මෙලෙස වාර්තා අතරට එක්වීය.
සන්රයිසස් හයිද්රාබාද් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම අතර තරගය ඊයේ මුම්බායි හි පිහිටි වන්කඩේ ක්රීඩාංගනයේදී පැවැත් වුණා.තරගයේ කාසියේ වාසිය දිනා රෝයල් චැලෙන්ජර්ස් බැංගලෝර් කණ්ඩායම නියමිත පන්දුවාර 20 අවසානයේ කඩුලු 03ක් දැවී ලකුණු 192ක් ලබාගත්තේය. සන්රයිසස් හයිද්රාබාද් කණ්ඩායම පන්දුවාර 19ටයි පන්දු 02ක් තුළ සියලු දෙනා දැවී රැස්කර ගත්තේ, ලකුණු 125ක් පමණි.
