සෑම දුරකථන සංඥා කුළුණකටම ඩීසල් ලබාදීමේ වැඩපිළිවෙළක් ආරම්භ කර ඇතැයි තාක්ෂණ අමාත්‍යංශය පවසනවා.
පැය ගණනාවක් අඛණ්ඩව විදුලිය විසන්ධි කිරීම හමුවේ ඇතැම් ප්‍රදේශවල දුරකථන සංඥා ගැටලූ මතුව ඇතිව තිබීම ඊට හේතුවයි.
සංඥා කුළුණුවල විදුලිය විසන්ධි වූ අවස්ථාවල විදුලිය ලබා ගැනීමට ඇති ජනන යන්ත්‍රවලට ඩීසල් නොලැබීම හේතුවෙන් මෙම තත්ත්වය හටගෙන තිබෙනවා.
මේ හේතුවෙන් එම සංඥා කුළුණු අක්‍රීය වන අතර ඒවායෙහි ආවරණ කලාප ආශ්‍රිතව 4G අන්තර්ජාල සේවා ලබාගැනීමේ දුෂ්කරතා ඇතුළු ගැටලූ කිහිපයක් ද පැන නැගී ඇතැයි සඳහන්.
බාධාවන්ගෙන් තොරව සබඳතා සැපයීම සඳහා සංඥා කුළුණු මධ්‍යස්ථානවල විකල්ප විදුලි සැපයුම් පද්ධති ඇතත් ජාතික විදුලිබල පද්ධතියේ දීර්ඝ විදුලි කප්පාදු පවතින අවස්ථාවදි විකල්ප විදුලි සැපයුම් පද්ධති සීමිත වී ඇති බවයි සන්නිවේදන සමාගම් දන්වා ඇත්තේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
2
