Rajapura Handi Oil
Rajapura Diabetic Powder

Update – දරු දෙදෙනෙකුට මරු කැඳවූ දෙහිවල අත්බෝම්බ ප්‍රහාරය වැරදි ඉලක්කයක් (වීඩියෝ)

අද (11) අලුයම දරු දෙදෙනෙකුට මරු කැඳවූ දෙහිවල පොලිස් වසමේ සිරිසඟබෝ මාවත ප්‍රදේශයේ නිවසකට එල්ල වූ අත්බෝම්බ ප්‍රහාරය වැරදි ඉලක්කයක් බව පොලිසිය පවසනවා.

මෙම ප්‍රහාරයේ සැබෑ ඉලක්කය සංවිධානාත්මක අපරාධකරුවෙක් සහ මත්ද්‍රව්‍ය ජාවාරම්කරුවෙක් වන බඩෝවිට අසංක නැමැත්තාගේ මත්කුඩු බෙදාහරින්නෙකුගේ නිවස බවයි පොලිසිය අනාවරණය කරගෙන ඇත්තේ.

මෙම ප්‍රහාරයෙන් වයස අවුරුදු 11 සහ 17 යන වයස්වල පසුවන පිරිමි ළමුන් දෙදෙනෙක් ජීවිතක්ෂයට පත්වූ අතර, දරුවන් දෙදෙනාගේ 55 හැවිරිදි පියා මෙම ප්‍රහරයෙන් බරපතළ තුවාල ලැබුවා.

රතු පැහැති ත්‍රිරෝද රථයකින් පැමිණි දෙදෙනෙකු විසින් මෙම අත්බෝම්බ ප්‍රහාරය එල්ල කර පලාගොස් ඇති බවයි තොරතුරු වාර්තා වුණේ.