අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර අද (19) කළුතර බන්ධනාගාරයේ නිරීක්ෂණ චාරිකාවට එක් වුණා.
කළුතර බන්ධනාගාරයේ නිලධාරීන්ට පවතින ගැටළු සම්බන්ධයෙන් අමාත්යවරයා සහ නිලධාරීන් අතර සාකච්ඡාවක් ද මෙහිදී පැවැත් වුණා.
මෙහිදී අමාත්යවරයා මාධ්ය වෙත අදහස් දක්වමින් සඳහන් කළේ, හදිසි අවස්ථාවකදී ප්රතිචාර දැක්වීමට සහ රැඳවියන්ගේ සුභ සාධනය මුලික අරමුණ කර ගනිමින් රාජ්ය ආයතන සම්බන්ධ කර ගනිමින් ඒකාබද්ධ යාන්ත්රණය දිවයිනේ සෑම බන්ධනාගාරයක් තුළම ස්ථාපිත කරන බවයි.
රාජය නිලධරීන් එක්ව පිහිටුවා ගන්නා මෙම ඒකාබද්ධ යාන්ත්රණය අවම වශයෙන් මාසයකට වරක් රැස්ව පවතින ගැටළු සාකච්ඡා කිරීම සිදු කළ යුතු බවයි අමාත්යවරයා මෙහිදී සඳහන් කර සිටියා.
දිවයිනේ සියලු බන්ධනාගාර මූලික කර ගනිමින් මෙම ඒකාබද්ධ යාන්ත්රණය පිහිටුවීමට කටයුතු කර ඇති අතර, අද දිනය තුළ කළුතර, ගාල්ල, බුස්ස සහ මාතර බන්ධනාගාර මුලික කර ගනිමින් ප්රාදේශිය රාජ්ය ආයතන උසස් නිලධාරීන්ගේ සහභාගිත්වයෙන් ඒකාබද්ධ කමිටු පිහිටුවනු ලැබුවා.
