ලිංගික අතවර කිරීම සහ අස්වාභාවික ලිංගික ක්රියාවක් සිදුකිරීමට තැත් කිරීම සම්බන්ධයෙන් චෝදනා එල්ල වී සිටින බුලත්සිංහල පොලිස් ස්ථානාධිපතිවරයා ලබන 15 වැනිදා දක්වා රක්ෂිත බන්ධනාගාර ගත කරන ලෙස මතුගම අතිරේක මහේස්ත්රාත් බුද්ධික මල්වත්ත නියෝග කර තිබෙනවා.
පසුගිය මාර්තු මාසයේ දිනක අලුයම 01.03ට පමණ පොලිස් කොස්තාපල්වරයෙක්ව, ස්ථානාධිපති නිල නිවාසය වෙත කැඳවා මෙලෙස ලිංගික ක්රියාවක් සිදුකිරීමට තැත් කිරීම සම්බන්ධයෙන් සිදු කරන විමර්ශනයකට අදාළව මතුගම අධිකරණ මගින් මෙම නියෝගය නිකුත් කළා.
මත්පැන් පානය කරමින් සිටි සැකකරා ස්ථානාධිපතිවරයා විසින් අලුයම් කාලයේ දී පොලිස් කොස්තාපල්වරයාව නිල නිවාසය වෙත කැඳවා ලිංගික අතවර සිදු කිරිමට උත්සහා දරා ඇති අතර ඒ සම්බන්ධයෙන් බියට පත් වූ පොලිස් කොස්තාපල්වරයා එම ස්ථානයේ මිදී පළාගොස් තිබෙනවා.
කෙසේ වෙතත් පසුව මේ සම්බන්ධයෙන් පොලිස් කොස්තාපල්වරයා විසින් ඉහළ නිලධාරීන්ට සහ ඥාතීන් වෙත දැනුම් දී ඇති අතර සිද්ධිය සම්බන්ධයෙන් සමාජ මාධ්ය තුළ ප්රචාරය වීමත් සමගම පොලිසිය විසින් විධිමත් විමර්ශනයක් ආරම්භ කිරීමට කටයුතු කර තිබෙනවා.
