පැසිෆික් කලාපය තුළ චීනයේ දේශපාලන සහ මිලිටරි ව්යාප්තියට දැඩි බලපෑමක් එල්ල කරමින්, ඔස්ට්රේලියාව සහ ෆීජි දූපත් රාජ්යය අතර සුවිශේෂී ආරක්ෂක සන්ධානයක් හදිසියේම ප්රකාශයට පත් කර තිබෙනවා.
කලාපීය ආරක්ෂාව සහ භූ-දේශපාලනික ස්ථාවරත්වය වෙනුවෙන් දෙරටේ සබඳතා ඉහළම මට්ටමකට රැගෙන යාමට මෙමඟින් පියවර ගෙන ඇති බවයි වාර්තා වන්නේ .
මෙම නව ගිවිසුම යටතේ ඔස්ට්රේලියාව සහ ෆීජි ආරක්ෂක අංශ අතර ඒකාබද්ධ යුද අභ්යාස පුළුල් කිරීම, දේශසීමා ආරක්ෂාව ශක්තිමත් කිරීම, බුද්ධි තොරතුරු හුවමාරු කරගැනීම මෙන්ම සමුද්රීය නිරීක්ෂණ කටයුතු ඉහළ නැංවීම සඳහා පහසුකම් සැලසෙනු ඇති.
විශේෂයෙන්ම පැසිෆික් කලාපීය කුඩා දූපත් රාජ්යයන් තමන් වෙත නතු කරගැනීමට චීනය දියත් කර ඇති රාජ්ය තාන්ත්රික මෙහෙයුම්වලට ප්රතිප්රහාරයක් ලෙස ඔස්ට්රේලියානු ෆෙඩරල් රජය මෙම උපායමාර්ගික පියවර ගෙන තිබෙනවා .
ආරක්ෂක විශ්ලේෂකයන් පෙන්වා දෙන්නේ, මෑත කාලයේදී චීනය විසින් කලාපයේ රටවල් සමඟ ආරක්ෂක සහ පොලිස් ගිවිසුම්වලට එළඹීමට දැඩි උත්සාහයක නිරත වූ පසුබිමක, ෆීජි රාජ්යය ඔස්ට්රේලියාව සමඟ මෙලෙස සෘජුවම අත්වැල් බැඳගැනීම බීජිං පාලනය ලැබූ විශාල පසුබෑමක් බවයි.
මෙමඟින් කලාපයේ ප්රධාන ආරක්ෂක සහකරු ලෙස ඔස්ට්රේලියාව සතු භූමිකාව තවදුරටත් තහවුරු වන බව ද ඔවුහු පවසනවා.
