සැකකරුවෙක් අත්අඩංගුවට ගැනීම සඳහා ඇල්පිටිය පොලිසිය විසින් සිදු කරනු ලැබූ වැටලීමක් අතරතුර තියුණු ආයුධයකින් සිදු කළ පහර දීමක් හේතුවෙන් පොලිස් නිලධාරියෙක් තුවාල ලබා ඇති බව පොලිසිය පවසනවා.
අදාළ සැකකරු අත්අඩංගුවට ගැනීමට යාමේදී සැකකරු විසින් තියුණු ආයුධයකින් පොලිස් නිලධාරියෙක් පහර දී පළා යාමට උත්සහ කර තිබෙනවා.
එම අවස්ථාවේ දී පොලිසිය විසින් තත්ත්තවය පාලනය කර ගැනීම සඳහා වෙඩි තැබීමක් සිදු කර ඇති අතර එම වෙඩි තැබීමෙන් සැකකරුගේ අතට වෙඩි වැදී ඇති බවයි වාර්තා වන්නේ.
කෙසේ වෙතත් වෙඩි වැදුණු පසුව ද සැකකරුව අත්විලංගු දමා අත්අඩංගුවට ගැනීමට යාමේදී තවත් පිරිසක් පැමිණ සැකකරු රැගෙන පලාගොස් ඇති බව පැවසෙනවා.
මේ අතර තුවාල ලැබූ පොලිස් නිලධාරියා අල[ඉටිය රෝහල වෙත ඇතුළත් කර ඇති බව පොලිසිය සඳහන් කළා.
අදාළ පලාගොස් සිටින සැකකරු අත්අඩංගුවට ගැනීම සඳහා පොලිසිය විසින් විමර්ශන සිදු කරනු ලබනවා.
