ශ්රී ලංකාව සමඟ පැවැත්වෙන පළමු ටෙස්ට් තරගයේ දෙවන දිනය අවසන් වන විට වැඩි වාසි අත්කර ගන්නට බරහිර ඉන්දීය කොදෙව් කණ්ඩායම සමත්ව තිබෙනවා.
ඇන්ටිගුවා හි නෝර්ත් සවුන්ඩ්වල දී පැවැත්වෙන මෙම තරගයේ, දෙවන දිනය අවසන් වන විට පළමු ඉනිම ක්රීඩා කරමින් සිටින කොදෙව්වන් කඩුලු 05ක් දැවී ලකුණු 271ක් රැස්කරගෙන සිටියා.
ඒ, අනුව කොදෙව් කණ්ඩායම ශ්රී ලංකා පළමු ඉනිමට වඩා තවත් ලකුණු 37ක් පිටුපසින් සිටින්නේ කඩුලු 05ක් අතැතිවයි.
තරගයේ දෙවන දිනය අවසන් වනවිට කොදෙව් පළමු ඉනිම වෙනුවෙන් නොදැවී පන්දුවට පහරදෙමින් සිටි අමීර් ජංගූ ලකුණු 78ක් රැස්කරගෙන සිටියා.
එමෙන්ම කොදෙව් නායක රොස්ටන් චේස් ලකුණු 42ක් රැස්කරගෙන නොදැවී කඩුල්ලේ රැඳී සිටියා.
පන්දු යැවීමේ දී අසිත ප්රනාන්දු සහ මිලාන් රත්නායක කොදෙව් පළමු ඉනිමේ කඩුලු 02 බැඟින් දවාගෙන සිටිනවා
.
මේ අතර තරගයේ දෙවන දිනයේ දී ශ්රී ලංකා වේග පන්දු යවන ක්රීඩක ලහිරු කුමාර ආබාධයකට ලක්ව පිටියෙන් ඉවත්වීමට සිදුවුණා.
දකුණු කලවා මාංශ පේශියේ ඇති වූ ආබාධයක් හේතුවෙන් ඔහුට මෙලෙස පිටියෙන් ඉවත්වීමට සිදු වූ අතර, ඔහුව MRI ස්කෑන් පරීක්ෂණයකට භාජනය කිරීමට නියමිත බවයි වාර්තා වුණේ.
