ප්රකාශයක් ලබාදීම සඳහා අද (09) පෙරවරුවේ පිවිතුරු හෙළ උරුමයේ නායක හිටපු පාර්ලිමේන්තු මන්ත්රි උදය ගම්මන්පිල කුලියාපිටිය පොලිස් ස්ථානය වෙත පැමිණියා.
මුදල් අමාත්යාංශයේ හිටපු සහකාර අධ්යක්ෂ රංග නිශාන්ත රාජපක්ෂගේ මරණය සම්බන්ධයෙන් ප්රවෘත්ති සාකච්ඡාවක් පවත්වමින් උදය ගම්මන්පිල පසුගියදා මතභේදාත්මක කරුණු කිහිපයක් අනාවරණය කරනු ලැබුවා.
ඒ, සම්බන්ධයෙන් කරුණු දැක්වීම සඳහා ඔහු මෙලෙස අද (09) දිනයේ කුලියාපිටිය පොලිස් ස්ථානය වෙත පැමිණ තිබුණා.
පසුගියදා ප්රවෘත්ති සාකච්ඡාවක දී උදය ගම්මන්පිල ප්රකාශ කළේ, රංග නිශාන්ත රාජපක්ෂගේ මරණය සැකසහිත බවට ඔහුගේ බිරිඳ විසින් කුලියාපිටිය පොලිසියට පැමිණිල්ලක් ඉදිරිපත් කර ඇති බවයි.
කෙසේ වෙතත් මියගිය නිලධාරියාගේ බිරිඳ එවැනි පැමිණිල්ලක් සිදුකර නොමැති බවයි පොලිස් මාධ්ය ප්රකාශකවරයා, පසුව ප්රවෘත්ති සාකච්ඡාවක් කැඳවමින් සඳහන් කළේ.
