සාම පා ගමනට ගෞරව දැක්වීම විනයානුකූල හා මනා සංයමයකින් යුක්තව සිදුකරන ලෙසත්, ස්වාමීන් වහන්සේලා සහ දූත පිරිසට බාධා හෝ හිංසාකාරී වන ක්රියාවන් සිදු නොකරන ලෙසත් පොලිසිය මහජනතාවට දැනුම් දෙනවා.
නිවේදනයක් නිකුත් කරමින් පොලිසිය සඳහන් කරන්නේ මෙම සාම පා ගමනට එක්ව සිටි ස්වාමීන් වහන්සේලාගේ සහ දූත පිරිසේ ආරක්ෂාව සැලසීම මහජනතාවගේ සහයෝගය ලබාදෙන ලෙසයි.
අදාළ නිවේදනය මඟින් පොලිසිය අවධාරණය කර ඇත්තේ, සාම පා ගමනට එක්ව සිටින ”ආලෝකා” සුනඛයා ස්පර්ශ කිරීමට උත්සහ කිරීම හා සුනඛයා සමඟ සෙල්ෆි ඡායාරූප ලබාගැනීමට ඇතැම් පුද්ගලයින් උත්සහ කරන අවස්ථා නිරීක්ෂණයට ලක්ව ඇති බවයි.
එමෙන්ම ඇතැම් ප්රදේශයන්ව ජනතාව එක් රැස් වන ස්ථානවල දී එකිනෙකා තල්ලු කර ගැනීම්, තෙරපීම් ද නිරීක්ෂණය වූ බවත් එය සාම පා ගමනට එක්ව සිටින ස්වාමීන් වහන්සේලාට බාධාවක් සහ හිරිහැරයක් බවයි පොලිසිය පවසන්නේ.
මේ අතර පා ගමනෙහි යෙදී සිටින ස්වාමීන් වහන්සේලා කෙරෙහි සැදැහැ සිතින් යුතුව මග දෙපස රැස්ව සිටින මහජනතාව විවිධ ආහාර පාන, රස කැවිලි, ජල බෝතල්, මල් කලඹ ආදිය පූජා කරනු ලබන අතර, ඇතැම් ප්රදේශ වලදි පාද ස්පර්ශය සඳහා මාර්ගය පුරා කෙසෙල් කොළ ඇතිරීමද සිදුකරනු ලබන බවත් බැතිමතුන් තුළ පවතින එම ගෞරවය හා උනන්දුව ඉතා අගය කොට සලකන බවත් පොලිසිය අදාළ නිවේදනයෙන් දක්වා තිබෙනවා.
කෙසේ වෙතත් සාම පා ගමනට ගෞරව දැක්වීම විනයානුකූල හා මනා සංයමයකින් යුක්තව සිදු කරන ලෙසයි පොලිසිය වැඩිදුරටත් මහජනතාව වෙත දැනුම් දෙන්නේ.
